Erteń tamyz aıynda aqyly negizde ótkiziletin Ulttyq biryńǵaı testileýge ótinishter qabyldaý bastalady dep habarlaıdy Qamshy.kz aqparat agenttigi sputniknews.kz saıtyna silteme jasap.

"Ótinishter jelilik joǵary oqý oryndarynda 25 shilde men 3 tamyz aralyǵynda qabyldanady", - dep jazylǵan Ulttyq testileý ortalyǵynyń saıtynda.

 Joǵary oqý ornyna aqyly negizde túsýge múmkindik beretin Ulttyq biryńǵaı testileý 2019 jyldyń 17-20 tamyz aralyǵynda ótkiziledi. Baǵasy – 2242 teńge.

Aqyly UBT

Qazaqstanda 11 (12) - synyp túlekteriniń jylyna tórt ret UBT tapsyrýǵa múmkindigi bar, olardyń úsheýi aqyly negizde bolady.

• 15 qańtardan 20 qańtarǵa deıin (aqyly) - ótinishter 1-15 jeltoqsan aralyǵynda qabyldanady;
• 24 naýryzdan 29 naýryzǵa deıin (aqyly) - ótinishter 1-15 aqpan aralyǵynda qabyldanady;
• 20 maýsymnan 5 shildege deıin (tegin) - ótinishter 10 naýryzdan 10 mamyrǵa deıin qabyldanady;
• 17 tamyzdan 20 tamyzǵa deıin (aqyly) - ótinishter 25 shildeden 3 tamyzǵa deıin qabyldanady.

Testileýdi qańtar, naýryz jáne tamyz aılarynda sátti tapsyrǵan stýdentter joǵary oqý oryndaryna aqyly negizde túse alady. Al maýsym-shilde aılaryndaǵy testileý memlekettik bilim grantyn alýǵa múmkindik beredi.

2019 jyly 110 myńnan astam adam UBT tapsyrdy, olardyń 82 myńnan astamy 50 baldyq shekti deńgeıden ótti.