Qazaqstan prezıdenti Qasym-Jomart Toqaev pedagogıka qyzmetkerleriniń tamyz konferensıasynyń plenarlyq otyrysyna qatysady dep habarlaıdy Qamshy.kz aqparat agenttigi.
Ol týraly prezıdenttiń baspasóz hatshysy Berik Ýálı Facebook áleýmettik jelisindegi paraqshasynda jarıalady.
Konferensıa barysynda bilim salasyna qatysty ózekti máseleler talqylanady. Konferensıa "Bilim jáne ǵylym" uranymen ótpek.
Sonymen qatar Toqaev muǵalimderdi búrokratıadan bosatýdy tapsyrdy.
Bıylǵy "Tamyz" erekshe, óıtkeni Táýelsizdik saraıynda pedagogtarmen kezdesýge bilim jáne ǵylym mınıstri ǵana emes, memleket basshysy da keledi.
"Tamyz konferensıasynyń sońǵy daıyndyǵyn mınıstr Asqat Aımaǵambetovpen pysyqtadyq. Ulaǵatty ustazdardyń bıylǵy alqaly jıynyna alǵash ret Memleket basshysy qatysady. Jylda jer jerden keletin muǵalimderdiń sany 500 bolsa, bıyl 2000-nan asady. Bul bıylǵy Tamyz konferensıasynyń qanshalyqty mańyzdy ekenin kórsetse kerek. Muǵalim mártebesi, oqýlyqtar máselesi, ozat oqýshy tárbıeleý, mektepter, úshtildilik jáne basqa da bilim jáne ǵylym salasynyń túıtkildi máseleleri búgingi jıynda aıtylady", - dep jazdy Berik Ýálı.
