Qazaqstandyq áskerı qyzmetshiler - QR QK Áýe qorǵanysy kúshteri sporttyq parashúttik komandasynyń ókilderi Azıa chempıonatymen bir ýaqytta ótkizilgen Azıa men Okeanıanyń 17-shi chempıonatynyń halyqaralyq saıystaryna jáne áskerı parashúttik sporttan Qytaıdyń ashyq ultaralyq chempıonatyna qatysty. Bul týraly Qamshy portaly QazAqapartqa silteme jasaı otyryp habarlaıdy.

Bul týraly QR QM baspasóz qyzmeti habarlady.

Qytaı Halyq Respýblıkasynyń Taıýan qalasynda áskerı qyzmetshiler parashúttik sporttan Qazaqstan Respýblıkasynyń ulttyq qurama komandasynyń quramynda óner kórsetti. Parashúttik komandanyń bastyǵy maıor Leonıd Dýdkınniń basshylyq etýimen Áýe qorǵanysy kúshteriniń sporttyq parashúttik komandasy bul jarystarda Qazaqstan Respýblıkasyn joǵary deńgeıde kórsetti.

Saıysqa álemniń 14 elinen jınalǵan komandalar qatysty. Eki dodada jarysqa tústi. Ol: klasıkalyq parashútızm - jeke synaqta jerge qoný dáldigine arnalǵan sekirýler jáne jeke parashúttik akrobatıka, sondaı-aq kúmbezdi parashúttik akrobatıka (4 parashútshiniń rotasıasy).

Qytaı men Azıa jáne Okeanıa ashyq ultaralyq chempıonatynyń chempıondary ataǵyn kúmbezdi parashúttik akrobatıka komandasy ıemdendi. Áskerı qyzmetshi kapıtan Azamat Ábdiraıymov, praporshık Arsenıı Tarabaev, starshına Andreı Tomılın, Denıs Novıskıı jáne QR QK qyzmetkeri  Aleksandr Terentev birinshi oryndy qanjyǵasyna baılap,  IMEKS  synaǵynda Qytaıdyń ashyq ultaralyq chempıonatynyń chempıondary atandy.  Komanda bes altyn medalmen, on kúmis medal jáne eki kýbokpen marapattaldy.  

Atalǵan chempıonatta QR QK Áýe qorǵanysy kúshteri Parashúttik daıyndyq ortalyǵynyń jeke quramy kúmbezdi parashúttik akrobatıka (4 parashútshiniń rotasıasy) boıynsha Azıa jáne Okeanıa chempıonatynyń rekordyn ornatty. Qazaqstandyq parashútshiler «Katarı» komandasymen jıyrma rotasıa oryndady. Osy fıgýrany oryndaý kezinde parashútshiler biriniń artynda biri ornalasyp, kezekpen almasyp, oryndarymen aýysady. Rotasıadaǵy jarystar kezinde 4 parashútshi men áýe operatorynan quralǵan komandalar qatysady. Berilgen ýaqyt sheńberinde jarystyń barlyq aınalymy aıaqtalǵannan keıin rotasıanyń barynsha kóp sanyn oryndaǵan komanda jeńiske jetedi.