Picodi.com saıtynyń sarapshylary ártúrli memleketterdiń turǵyndary eldegi ortasha jalaqyny ala tura qansha jylda 1 mıllıon dollar taba alatynyn eseptep kórdi.

Reıtıńke 102 el kirgen. Shveısarıada ortasha jalaqy alatyn adam 13 jyl 4 aıda 1 mıllıon dollar taba alady. Avstralıada buǵan 20 jyl 1 aı ketedi. Sıngapýrda 20 jyl 2 aı, Lúksembýrgte, 20 jyl 4 aı, AQSH-ta 23 jyl 1 aı jumsalady.

Qazaqstan reıtıńtiń 87-satysyna jaıǵasqan. Elde ortasha jalaqy (aqpan aıynda 272 968 teńge) alatyn adam úshin mıllıon dollar tabýǵa 245 jyl 11 aı qajet bolady.

Kórshiles elderden Reseı 70-satyda (191 jyl 9 aı), Armenıa 79 (215 jyl 4 aı), Grýzıa 83 (230 jyl 2 aı), Ázerbaıjan 89 (257 jyl 1 aı), Ózbekstan 96-satyda (318 jyl 4 aı) jaıǵasqan.

Derekterge salyq pen mindetti jarnalar ustalynyp qalǵannan keıingi ortasha jalaqy mólsheri paıdalanylǵan. Qazaqstan jaǵdaıynda 1 dollar 504,4 teńge turǵan naýryz aıyndaǵy kýrs basshylyqqa alynǵan.