Ǵ. Músirepov atyndaǵy Qazaq memlekettik akademıalyq balalar men jasóspirimder teatrynyń mereıtoılyq 70-shi maýsymynyń ashylýyna  qos birdeı premerany kórermen nazaryna usynbaq. Bul týraly «Qamshy» portaly habarlaıdy

14 qazan,  saǵat 16.30-da teatrdyń jetistikteri jáne aldaǵy 70 jyldyq mereıtoı qarsańynda atqarylatyn josparlar jaıynda baspasóz-konferensıasy ótedi. Konferensıaǵa teatr dırektory – Sábıt Ábdiqalyqov, kórkemdik jetekshi – Murat Ahmanov, ádebıet bóliminiń meńgerýshisi – Baqyt Bedelhan, teatr artıseri Roza Áshirbekova, Lıdıa Káden, Erkin Ábdireshov, t.b. qatysady.

Bıyl teatr «ASSITEJ» dúnıejúzilik asosıasıasynyń Qazaqstandaǵy ortalyǵy bolyp jarıalandy. Álemniń 83 memleketi qatysatyn bul uıymǵa Qazaqstannyń óner oshaqtary 84-shi bolyp qabyldandy.

 Teatrdyń shyǵarmashylyq toby jas býynmen tolyqty. Naqtyraq aıtsaq,  kórermender  «Jaýjúrek myń bala» fılmi arqyly tanıtyn  Asylhan Tólepov pen Aıan Ótepbergenniń ónerin  jańa maýsymdaǵy  qoıylymdardan tamashalaı alasyzdar.

14 qazan – 70-shi teatr maýsymynyń ashylýy.

12.00 – Balalarǵa arnalǵan «Altyn múıizdi kıik» ertegisiniń premerasy. Avtor jáne rejıser E.Ábdireshov

17.00 – Baspasóz konferensıasy

18.30 – Qazaq handyǵynyń 550-jyldyǵyna arnalǵan M.Maqataevtyń «Raıymbek! Raıymbek!» poetıkalyq dastanynyń premerasy.

«Altyn múıizdi kıik» (Halyq ertegileriniń izimen, balalarǵa ertegi)

Avtory jáne rejıseri – E.Ábdireshov

Ertegidegi negizgi keıipker – Erteginiń ózi. Ǵaıyptan kelgen keıipker qazirgi balalardyń qıalyna enip, olardy ertegiler álemine saıahat jasatady. Shym-shytyryq oqıǵalarmen aralastyryp, barlyq erteginiń túpki aıtar oıyn birge tabýǵa shaqyrady. Oınaqy bolsa da oıǵa jeteleı otyryp, bala kóńilin jaqsy áserge bóleıdi. Ertegi óz patshalyǵynyń jarlyǵyn jetkizý úshin ábden áýrege túsedi.

Aıaǵynda, barlyq balalardy adamgershilik pen meıirimdilikke, tabıǵat-anany aıalaýǵa shaqyratyn jarlyqty jetkizedi. Tárbıelik máni erekshe bul erteginiń búldirshinder men balalarǵa bereri mol, áseri zor.

«Raıymbek! Raıymbek!» (poetıkalyq tarıhı drama)

Avtory – M.Maqataev, rejıseri men ınsenırovkasyn jasaǵan – M.Ahmanov

Elimizdiń azattyǵy jolynda qan keship, keń baıtaq jerimizdi qorǵaǵan batyr-bahadúrlerimiz az emes. Qazaq elinde urpaqqa tarıhymyzdan taǵylym bere alatyndaı tulǵalarymyzdyń qatarynda qasqaıyp turar batyrlarymyzdyń biri – Raıymbek. 13 jasynan atqa qonyp, batyrlyq pen áýlıelik qatar daryǵan qasıetimen tanylǵan batyrdyń, bozbala shaǵynan jigit shaǵyna deıingi erlikterin, erekshelikterin súbeli sýretpen kúrdeli shıelenister arqyly aıshyqtaıtyn drama.

«Elim-aılaǵan» eldiń zaryn, «Aqtaban shubyryndy», «Zar-zamannyń» úni, «Aqtandaqtardyń» izi, «Asharshylyq», ult úshin qasaqana jasalǵan qyrǵyndar, mine, osynyń bárin ón boıyna arqaý etken «Raıymbek! Raıymbek!» spektakliniń júgi aýyr ekenin búgingi urpaq bilýi tıis.

    «Qamshy» silteıdi