Qazaqty ishteı úńgigisi keletin syrttan kelgen  aýrý bar. Bul juqpaly derttiń emi – Otanyn, halqyn, dinin qadirlegen  patrıotızm. Naǵyz patrıotızm – ultshyldyq. Ultshyldyq ári-sári zamanda ulttyń ómir súrýiniń qorǵany men dushpanǵa tosar qalqany. Ult saqtalsa ulttyq ıdeıa da týyndaıdy. Memlekettik ıdeologıa ulttyq ıdeıanyń negizinde týyndasa ǵana ómir­sheń. Ótken ǵasyrdyń 80-jyldary jalyndap kele jatqan  ulttyq patrıotızm «jappaı baıyńdar» degen jalǵan urannyń jartasyna soǵylyp, ishteı iritýdiń saldarynan qarqyn-kúshinen aıyryldy. Jemqorlyqqa jol ashylyp, sál-pál bılikke otyrǵanda da onan bıiktegiler de jebirliktiń qahar­many bolyp shyǵa keldi. Áli de bolsa el senip otyrǵan bılik basyndaǵy azamattardyń jemqorlyqpen ustalýy halyqtyń mem­lekettik  bılik júıesine senbeı qa­raýy­na ákeledi. Anglıanyń premer-mınıs­tri bolǵan ataqty Ý.Cherchıll «Uly Brıtanıanyń qasy da joq, dosy da joq, ulttyq múddesi ǵana bar» degen eken. Ulttyq múdde – Ulttyq rýhtyń asa bıik kórinisi. Qazaqtyń ár azamaty ulttyq múd­deni kózdese eken deısiń.

Kámel Júnistegi, 
jazýshy, QR mádenıet qaıratkeri

«Aqıqat» jýrnalynyń saıtynan alyndy