2024 jyly Qazaqstanǵa 10,4 mıllıon sheteldik týrıs kelgenimen, olardyń 9 mıllıony tirkelmegen. Bul týraly Úkimet otyrysynda Týrızm jáne sport mınıstri Erbol Myrzabosynov málimdedi.

İshki týrıser sany 10,5 mıllıon adamǵa jetti. Bul 2023 jylmen salystyrǵanda 900 myńǵa artyq. Al Qazaqstanǵa ártúrli maqsatpen kelgen sheteldik qonaqtar sany – 15,3 mıllıon. Olardyń 10,4 mıllıony elimizde bir kúnnen artyq ýaqyt bolǵan. Biz olardy sheteldik týrıser qataryna qosamyz, – dedi mınıstr.

Alaıda naqty statısıkaǵa júgingende, 10,4 mıllıon sheteldik týrısiń 9 mıllıony qonaq úılerde nemese ózge ornalastyrý oryndarynda tirkelmegeni belgili boldy.

Qazirgi ýaqytta sheteldik kelýshiler týraly derek Ulttyq qaýipsizdik komıteti Shekara qyzmetiniń esebi negizinde, al ishki týrıser jaıly málimet ornalastyrý nysandarynyń aqparaty arqyly qalyptastyrylady, – dedi Erbol Myrzabosynov.