Almaty polısıasy málimdeme jasady.
Almaty qalalyq polısıasy balalardyń qatysýymen bolatyn jol-kólik oqıǵalarynyń kóbeıgenin aıtyp dabyl qaǵýda. Ókinishke qaraı, keı jaǵdaıda mundaı qaıǵyly oqıǵalar kámeletke tolmaǵandardyń ólimimen aıaqtalady.
"Bizdi balalardyń jol boıynda eresekterdiń qaraýynsyz qalyp qoıatyny jáne jol qaýipsizdiginiń qarapaıym daǵdylaryn bilmeıtindigi alańdatady. Bul - ata-analar men zańdy ókilderiniń nemquraılylyǵy men salǵyrttyǵynyń saldary. Balalardy qaraýsyz qaldyrmaýǵa shaqyramyz! Esińizde bolsyn, bir sát - orny tolmas nárse bolýy múmkin. Balanyń qaýipsizdigi - Sizdiń tikeleı jaýapkershiligińiz!" – dedi, Almaty qalalyq PD anyqtaý Basqarmasynyń bastyǵy Erjan Shaıhıev.
Sondaı-aq polısıa, QR ÁQBtK-niń 127-babyna engizilgen ózgertýlerge sáıkes, balalardyń qaýipsizdigin qamtamasyz etý jónindegi mindetterdi oryndamaǵany úshin jaýapkershilik endi ata-analar men zańdy ókilderge júkteletinin eske saldy.
"Árbir ata-ana oılansyn: men balamnyń aman, deni saý bolýy úshin bárin jasadym ba? Qamqorlyǵymyzdy erteńge qaldyrmaı, búginnen bastap balalarymyzdy aıalaıyq", - dedi Almaty qalalyq PD anyqtaý basqarmasynyń bastyǵy Erjan Shaıhıev.
