Sherzat isi boıynsha jaýapqa tartylǵan 4 kýáger jazalanbaıtyn boldy. Bul týraly advokat Meıirman Shókeev óziniń áleýmettik jelidegi paraqshasynda habarlady.
Advokat sotqa kýáger retinde qatysqan Elmıra Nurbekova, Dana Jaqsygeldi, Iýldash Rozybakıve pen Arlan Qazykenov jaýapqa tartylatyny týraly jalǵan aqparat taraǵanyn aıtty.
- Osy istiń basty qorǵaýshysy retinde bul málimetterdi quqyq qorǵaý organdarynyń bizge bergen jaýaby negizinde joqqa shyǵaramyn. Sebebi 5 maýsymda qabyldanǵan jeke qaýly Almaty oblysynyń prokýratýrasynda aqparattyq esepke tirkelip, odan ary qaraı prosesýaldyq sheshim qabyldaý úshin Almaty oblysy polısıa departamentine joldanǵan. Al polısıa departamenti óz kezeginde jekeshe qaýlyda kórsetilgen zań buzýshylyqtardy tekserý barysynda, “Rozybakıev, Qazykenov, Jaqsykeldi jáne Nurbekovanyń is-áreketterinde qylmystyq quqyq buzýshylyqtyń quramy anyqtalmady jáne 30 tamyzda jınalǵan is qujattary qaraýsyz qaldyrylyp, jınaqtaý papkasyna joldandy” dep jaýap bergen. Bul jaýapqa qatysty bizdiń óz pikirimiz bolashaqta aıtylatyn bolady. Búgingi shynaıy aqparat osy, dedi advokat Meıirman Shekeev.
