Ónerkásip jáne qurylys mınıstrligi Ónerkásip komıteti tóraǵasynyń orynbasary Muhamed Andakov Úkimet otyrysynan keıin ótken baspasóz máslıhatynda jeke azamattarǵa avtolızıng berý máselesine qatysty túsinikteme berdi.

– Avtolızıng týraly aıtsaq, ForteLeasing aıasynda birinshi legi berildi. Bul 3 jylǵa 15 paıyzdyq mólsherleme bolatyn. Biraq byltyr qarasha aıynda jeke tulǵalarǵa avtolızıng beretin ózgeristerdi zańǵa engizdik. Qazir ınvestor, mashına jasaýshylar qaýymy jáne mınıstrlik bolyp úshjaqty kelisim aıasynda lızıń reglamentterin ázirlep jatyrmyz. Óıtkeni birishi lektegi lızıńten keıin másele týyndap jatyr. Ulttyq ekonomıka mınıstrliginiń usynystary da bar. İshki ister mınıstrliginiń de suraqtary bar. Nege deseńiz, kólik lızıń bergen kompanıanyń atynda qalady. Al kólik minip júrgen lızıń alýshy jol erejesin buzsa, aıyppul kólik ıesine jazylady. Birinshi ret iske qosylyp jatqandyqtan, osy sıaqty kóptegen suraq týyndap otyr. Osy máseleniń bári tolyq sheshilgennen keıin lızıń sharttaryn qosymsha habarlaımyz, - dedi komıtet ókili.