اتىراۋ وبلىسىنىڭ قىزىلقوعا اۋداندىق سوتىندا قازاقستان رەسپۋبليكاسىنىڭ قك-نىڭ 106-بابىنىڭ 1-بولىگىمەن (دەنساۋلىققا قاساقانا اۋىر زيان كەلتىرۋ) سوتتالۋشى ج.ۋ.-عا قاتىستى قىلمىستىق ءىس قارالدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

ءىس قۇجاتتارىنان انىقتالعانداي، سوتتالۋشى ج.ۋ. اراق ىشكەن ماس كۇيىندە ءوزىنىڭ تۋعان ىنىسىمەن سوزگە كەلىپ قالىپ، «مەن سەنى ولتىرەمىن» دەپ ستول ۇستىندەگى اسحانا پىشاعىن سول قولىنا الىپ، دەنساۋلىققا قاساقانا «اۋىر» زيان كەلتىرۋ ماقساتىندا پىشاقتى تۋعان ءىنىسىنىڭ دەنەسىنىڭ سول جاق كەۋدەسىنىڭ تۇسىنا ءبىر رەت ۇرىپ، تىعىپ العان.

"سوت ۇكىمىمەن ج.ۋ. قازاقستان رەسپۋبليكاسىنىڭ قك-نىڭ 106-بابىنىڭ  1-بولىگىمەن ايىپتى دەپ تانىلىپ، وعان وسى باپ بويىنشا 3 جىل مەرزىمگە باس بوستاندىعىن ايىرۋ جازاسى تاعايىندالدى"،- دەلىنگەن اتىراۋ وبلىستىق سوتىنىڭ باسپا ءسوز قىزمەتى تاراتقان حابارلامادا.

سوت ۇكىمى زاڭدى كۇشىنە ەنگەن جوق.