تانىمال سازگەر، ءانشى ۇلىقپان جولداسوۆتىڭ 1 مامىردا رەسپۋبليكا سارايىندا وتەتىن كونسەرتىنىڭ بيلەتتەرى ۇرلاندى، - دەپ حابارلايدى «قامشى» پورتالى baistars.kz – كە سىلتەمە جاساپ.

كونسەرت ۇيىمداستىرۋشىلارى مەن جولداسوۆتار وتباسى ەندى كونسەرتكە كەلەتىن كورەرمەننەن بيلەتتى ەندى قولدان ەمەس، رەسپۋبليكا سارايىنىڭ كاسساسىنان جانە kassir.kz سايتىنان ساتىپ الۋدى سۇراپ وتىر.

سونىمەن قاتار، ۇلىقپان جولداسوۆتىڭ جۇبايى ايعان جولداسوۆا ءوزىنىڭ ينستاگرام پاراقشاسىندا بيلەتتىڭ ۇرلانعانىن راستادى.

ەستەرىڭىزگە سالا كەتەيىك، ۇلىقپان جولداسوۆ مەرەيتويلىق كونسەرتىن اقپان ايىندا استانا قالاسىندا وتكىزدى. ال، 1 مامىر كۇنى الماتىدا جاڭا باعدارلامامەن ەكىنشى كەشتى وتكىزۋدى جوسپارلاپ وتىر. كونسەرتكە مۋزارت توبى، ءمادينا سادۋاقاسوۆا، جىگىتتەر توبى، الىشەر كاريموۆ، تورەعالي تورەالى جانە وزگە دە ونەر جۇلدىزدارى قاتىسپاق.