ءبىرقاتار اقپارات قۇرالدارى مەن الەۋمەتتىك جەلى قولدانۋشىلارى اتىراۋ ماڭىندا اسكەري تەحنيكانىڭ كوپتەپ شوعىرلانعانى تۋرالى جارىسا جازعان بولاتىن. وسىعان وراي باتىس وڭىرلىك اسكەري گارنيزونىنىڭ اسكەري پروكۋراتۋراسى مالىمدەمە جاسادى، - دەپ حابارلايدى «قامشى» پورتالى «اقجايىق» باسىلىمىنا سىلتەمە جاساپ.
اسكەري پروكۋرورلار بۇل تەحنيكالاردىڭ وقۋ-جاتتىعۋعا بەت العان ساتتە تۇسىرىلگەن ۆيدەو دەپ وتىر.
«اتىراۋ وبلىسىنىڭ اۋماعىندا ورنالاسقان 41433، 41321، 51051 اسكەري بولىمدەرىنىڭ اسكەري قىزمەتشىلەرى ماڭعىستاۋ وبلىسىندا 18-24 ءساۋىر ارالىعىندا وتەتىن «قاراتاۋ-2016» تاكتيكالىق-ساپتىق جاتتىعۋلارعا شىققان بولاتىن. وقۋ-جاتتىعۋدا اسكەرلەردىڭ لاڭكەستىك قاۋىپتەرگە قارسى بىرىككەن ءىس-قيمىلدارى پىسىقتالاتىن بولادى»، - دەيدى باتىس وڭىرلىك اسكەري پروكۋرورىنىڭ ورىنباسارى دۋمان ابەۋوۆ.
