استانا قالاسى اكىمدىگىنىڭ جاستار تەاترى 2016 جىلدىڭ 26-27مامىر كۇندەرى سايا قاسىمبەكتىڭ «تەكسىزدەر» پەساسىنىڭ نەگىزىندە قويىلعان «ليفت» پسيحولوگيالىق دراماسىنىڭ پرەمەراسىن وتكىزەدى، - دەپ حابارلايدى Qamshy.kz.
قويىلىمنىڭ قويۋشى رەجيسسەرى - قازاقستاننىڭ ەڭبەك سىڭىرگەن قايراتكەرى، بەكبولات قۇرمانعوجايەۆ. قويۋشى سۋرەتشىسى – ەرلان تۇياقوۆ.
ءبىزدىڭ زاماندا ادامنىڭ قۇنى قانشا تۇرادى؟ ءتۇبى قايدان شىققانىن بىلمەيتىن «تەكسىزدەر ارمياسىن» ۇلعايتىپ جاتقاندار كىمدەر؟..
بۇگىنگى قوعامنىڭ ەڭ ۇلكەن ءھام اسا قاتەرلى دەرتى – جەتىم بالا، تاستاندى ۇرپاق پەن تامىر تەكسىزدەنۋىنىڭ نەگىزگى تۇيتكىلدەرىنە پسيحولوگيالىق تۇرعىدان تەرەڭ تالداۋ جاسايتىن قويىلىم كورەرمەن كوكەيىندەگى كەزەك قۇتتىرمەيتىن وسىنداي وزەكتى ماسەلەلەرگە جاۋاپ ىزدەيدى. ءومىردىڭ اششى اقيقاتىن ونەر ارقىلى جاس ۇرپاق ساناسىنا سىڭىرۋگە تالپىنادى.
سپەكتاكلدى تانىستىرۋ ماقساتىندا 26 مامىر كۇنى تەاتردىڭ كونفەرەنسيا زالىندا ب ا ق وكىلدەرىمەن كەزدەسۋ ۇيىمداستىرىلادى. باسپا ءسوز جيىنىنا قاتىسۋشىلار:
- بەكبولات قۇرمانعوجايەۆ – قازاقستاننىڭ ەڭبەك سىڭىرگەن قايراتكەرى، قويىلىم رەجيسسەرى؛
- سايا قاسىمبەك – قازاقستان رەسپۋبليكاسىنىڭ ونەر قايراتكەرى، پەسا اۆتورى؛
- ەرلان تۇياقوۆ – باس سۋرەتشى؛
- ءادىل احمەتوۆ – تەاتر اكتەرى، مەملەكەتتىك «دارىن» جاستار سىيلىعىنىڭ لاۋرەاتى، مەملەكەتتىك پرەزيدەنت ستيپەندياسىنىڭ يەگەرى؛
- ايىم جۇسىپبەكوۆا – تەاتر اكتريساسى.
