قازاق ەستراداسى دىنگە قالاي كەلدى، ولاردىڭ اراسىندا نامازعا جىعىلعاندار كىمدەر؟ بۇل سۇراققا 31-ارناداعى «جۇلدىزدار جارقىرايدى» جوباسى جاۋاپ ىزدەپتى.

"كز" توبىنىڭ بۇرىنعى ءانشى بەيبىت قۇشقالييەۆ وسىدان بەس جىل بۇرىن ساحنادا ءان سالىپ، سەكەڭدەپ بي بيلەۋدى «حارام» دەپ ساناپ، شوۋ-بيزنەستى ءبىرجولاتا تاستاپ كەتكەن بولاتىن. الايدا، شەتەلدە وقىپ كەلگەننەن كەيىن 3 جىل بويى بوس جاتقان، ءانشى ءتىپتى ءوزىنىڭ باستاپقى ماماندىعى مۇناي سالاسىنا دا ارالاسقىسى كەلىپتى. ءبىراق، ودان دا تۇك شىقپاعان. 

بۇگىندە، ءانشى ونەرىن قايتا شىڭداپ، زاماناۋي باعىتتاعى اندەرىن بىرىنەن كەيىن ءبىرىن كورەرمەنگە ۇسىنىپ ءجۇر.

كەيىنگى كەزدەرى ءانشىنىڭ ونەرگە دەگەن كوزقاراسى وزگەرگەن. 

وسى اپتادا كۇللى مۇسىلمان ءۇشىن قاسيەتتى مەرەكە رامازان ايى باستالدى. ايلاردىڭ سۇلتانى سانالاتىن رامازان التىنشى ماۋسىمدا باستالىپ، 4 شىلدەگە دەيىن جالعاسادى. وسى ارالىقتا مۇسىلمان بالاسى 29 كۇن اۋىز بەكىتەدى. 
بەيبىت اۋىز بەكىتىپ، ناماز وقۋدى بالا كەزدەن اتا -اناسىنان، اجەسىنەن ۇيرەنگەن. ورازا ۇستاۋعا نيەت ەتكەن جاندار وسى ايدا جاراتقاننىڭ مول ساۋابىنا كەنەلەدى دەيدى ءانشى. 

ونەر ادامدارىنىڭ سوڭعى ۋاقىتتا جاپپاي دىنگە بەت بۇرۋىنىڭ سەبەپتەرىن ونەردە دە، ومىردە دە جۇپتارى جازىلماي كەلە جاتقان عاني مەن بوتا ءجۇنىسوۆتار تەر بىلاي تۇسىندىرەدى.

ءانشى بوتا العاشىندا ناماز وقىپ، مەككەدەگى قۇلشىلىق ەتكەن ورىندارىن سۋرەتكە ءتۇسىرىپ الەۋمەتتىك جەلىگە سالاتىن  ارىپتەستەرىنىڭ ارەكەتىن ەش تۇسىنە الماپتى. 
عاني مەن بوتا دا جىلداعى ادەتتەرى بويىنشا، ورازا ۇستاپ اۋىز بەكىتۋدە.قاسيەتتى جۇمادا دۇعا- تىلەك جاساۋ ءۇشىن مەشىتكە كەلەتىن ادەتتەرى بار. عالىمداردىڭ ايتۋى بويىنشا ساۋابى مول ورازا ايىنىڭ ماۋسىم، شىلدە ايلارىنا تاپ كەلۋى 33 جىلدا ءبىر قايتالانادى ەكەن. سونداي- اق بيىلعى جىلدىڭ ءپىتىر ساداقاسىنىڭ مولشەرى دە بەلگىلى بولدى. 

«مۋزارت» توبىنىڭ ءانشىسى كەنجەبەك ءجانابىلوۆ ارىپتەستەرى مەيرامبەك بەسبايەۆ، نۇرلان ابدۋللين، اباي بەگەي سىندى مەككەگە بارىپ، بەس ۋاقىت ناماز وقىماسا دا، جىل سايىن قاسيەتتى رامازان ايىن اسىعا كۇتىپ، اۋىز بەكىتەدى ەكەن. 

جازدىڭ اپتاعان ىستىعىنا قاراماستان بيىل ورازا تۇتقان بارشا جاماعاتقا ورازالارىڭىز قابىل بولسىن دەپ تىلەيمىز.