قازاقستان ۇستازدارىنىڭ رەسپۋبليكالىق «اعارتۋشى» قوزعالىسى قۇرىلدى، - دەپ حابارلايدى Qamshy.kz.
قازىرگى كەزدە قوردالانىپ وتىرعان ءبىلىم ماسەلەسى كىم-كىمدى بولسا دا بەي-جاي قالدىرعان ەمەس. دەسەك تە ءبىلىم سالاسىنداعى ءتۇرلى رەفورمالار، جەمقورلىق تاعى دا باسقا تولىپ جاتقان پروبلەمالار ءمۇعالىمنىڭ ەڭسەسىن باسا تۇسپەسە كوتەرىلگەن جوق. وزگەنىڭ باقىتىن ايالاپ، ءوزىنىڭ بالاسىنا قاراۋعا مۇرشاسى جوق ءمۇعالىمنىڭ مارتەبەسىن كوتەرۋ، ولارعا كومەك قولىن سوزۋ ءۇشىن رەسپۋبليكالىق مۇعالىمدەردىڭ «اعارتۋشى» قوعامدىق قوزعالىسى قۇرىلىپ، قۇرىلتايشىلارى بەكىتىلىپ ءتوراعالىققا ەلدەگى مۇعالىمدەردىڭ پروبلەماسىن كوتەرىپ جۇرگەن، شىمكەنت قالاسىنداعى №41 مەكتەپتىڭ تاريح جانە قۇقىقتانۋ ءپانىنىڭ ءمۇعالىمى، جوعارى ساناتتى ۇستاز، 1-دەڭگەيلى سەرتيفيكات يەگەرى (كەمبريدج تەحنولوگياسى)، "ءبىلىم بەرۋ ءىسىنىڭ ۇزدىگى"، قازاقستان جۋرناليستەر وداعىنىڭ مۇشەسى ءومىر شىنىبەك ۇلى سايلاندى.
نەگىزى قوزعالىستىڭ باستى ماقساتى - ءبىلىم جۇيەسىندەگى جەمقورلىقپەن كۇرەسۋ. جەمقورلىقپەن، ءبىلىم سالاسىنداعى كەلەڭسىزدىكپەن كۇرەسكەن مۇعالىمدەرگە كومەك كورسەتۋ، قاداعالاۋ، ءتيىستى ورىنداردى قۇلاقتاندىرۋ، باستى نازاردا ۇستاپ ب ا ق قۇرالدارى ارقىلى تاراتۋ.
مۇعالىمدەر مەن اتا-انالاردىڭ قۇقىقتىق ساۋاتىن اشۋ، قۇقىقتىق كومەك بەرۋ، قولداۋ كورسەتۋ، قۇقىق پەن مىندەتتىڭ قاتار جۇرەتىنىن ۇعىندىرۋ.
ۇستازداردىڭ شىعارماشىلىعىنىڭ جانە بەلسەندىلىگىنىڭ دامۋىنا قاجەتتى جاعدايلار تۋعىزۋ، ولاردىڭ قۇقىقتارىن قورعاۋ قوزعالىستىڭ نەگىزگى ماقساتتارىنىڭ ءبىرى.
بۇل ماقساتتارعا جەتۋ جولىندا قوزعالىس ۇستازدار اراسىنداعى شىعارماشىلىقتى قولداۋ، عىلىمي-زەرتتەۋ جۇمىستارىنا مەملەكەتتەن جانە دەمەۋشىلەردەن قاراجات تاۋىپ بەرۋ، مۇعالىمدەر اراسىندا قوعامدىق پىكىر قالىپتاستىرۋ (بۇقارالىق اقپارات قۇرالدارى ارقىلى دا)، ازاماتتىق قوعام جانە قۇقىقتىق مەملەكەتتى دامىتۋدا ۇستازدار بويىندا بەلسەندى ۇستانىمدىق باعىتقا تاربيەلەيدى. سونىمەن بىرگە ۇستازداردىڭ الەۋمەتتىك ماسەلەلەرىن شەشۋدى قاراستىرۋ، مەملەكەتتىك اتقارۋشى جانە وكىلدىكتى ورگاندارمەن الەۋمەتتىك ارىپتەستىك ورناتۋ، ۇستازدار، بالالار جانە اتا-انالاردىڭ قۇقىعىنىڭ ورىندالۋىن قاداعالاۋ، قوعامداعى ءتۇرلى الەۋمەتتىك-ساياسي پروبلەمالاردى، سونداي-اق ۇستازدار ماسەلەلەرىن الەۋمەتتىك زەرتتەۋ جۇمىستارىن ۇيىمداستىرادى.
ءمۇعالىم بەدەلىن كوتەرۋ، ۇستازداردىڭ وزىق تاجريبەلەرىن ناسيحاتتاۋ جانە ۇستازداردىڭ قۇقىقتارى مەن بوستاندىقتارىن، زاڭدى مۇددەلەرىن قورعاۋ، ينتەلەكتۋالدى ۇلت قالىپتاستىراتىن ءبىلىم باعدارلامالارىن دايىندايدى.
ءمۇعالىمنىڭ قوعامداعى بەدەلىن كوتەرۋ باعىتىنداعى ءتۇرلى ارەكەتتەر مەن شارالاردى جۇزەگە اسىرۋ جانە وسى باعىتتا مەملەكەتتىك ورگاندارعا ۇسىنىستار جاساي وتىرىپ ەكونوميكالىق، الەۋمەتتىك، مادەني جانە وزگە دە سالالاردا مۇعالىمدەر قۇقىقتارىنىڭ بۇزىلۋى وقيعالارىن جويۋعا ارەكەت جاساۋ جانە قاجەتتى جاعدايدا كوپشىلىكتىڭ، مەملەكەتتىك ورگاندار مەن الەمدىك قاۋىمداستىقتىڭ نازارىن اۋدارۋعا كۇش سالادى.
ءمۇعالىمنىڭ الەۋمەتتىك جاعدايىن جاقسارتۋ باعىتىندا مەملەكەتتىك ورگاندارعا ۇسىنىستار بەرۋ جانە وسى باعىتتاعى زاڭ جوبالارىنىڭ ازىرلەنۋى مەن قابىلدانۋىنا ات سالىسىپ، جالپى ازاماتتىق رۋحاني يگىلىكتەردىڭ ءورىس الۋىنا قامقورلىق جاسايدى.
قازىرگى كەزدە بەلەڭ الىپ وتىرعان مۇعالىمدەر مەن قوعام پروبلەمالارىن زەرتتەۋ، تۇرعىنداردىڭ ينتەللەكتۋالدىق دامۋى تۋرالى باستامالارىن قولداپ، قازاقستان رەسپۋبليكاسىنداعى قۇقىقتىق تاربيەلەۋدى ناسيحاتتاۋ جانە قۇقىقتىق نيگيليزمدى جويۋ ءىس-شارالارىن جۇزەگە اسىرادى.
ادام، ونىڭ قۇقىقتارى، بوستاندىقتارى جانە مۇددەلەرى- قۇقىقتىق مەملەكەتتىڭ جوعارعى قازىناسى رەتىندەگى قۇقىقتىڭ قورعالۋىنىڭ مىندەتتىلىگىن ناسيحاتتاپ، قۇقىق قورعاۋشى قىزمەتىن جۇزەگە اسىرا وتىرىپ، مۇعالىمدەردىڭ كونستيتۋسيالىق قۇقىقتارى، بوستاندىقتارى جانە مۇددەلەرىن قورعايدى.
زاڭمەن بەلگiلەنگەن ءتاسiلدەردi قولدانا وتىرىپ، جەكە جانە ۇجىمدىق ەڭبەك داۋلارىن شەشۋ قۇقىعىن جۇزەگە اسىرۋعا ات سالىسىپ، بىرلەستىك قۇرۋ ماقساتتارىنا وراي قازاقستان رەسپۋبليكاسى زاڭنامالارى شەڭبەرىندە حالىقارالىق ىنتىماقتاستىقتى جۇزەگە اسىرىپ، نىعايتادى.
قوزعالىس نەگىزگى وسى باعىتتاردى نەگىزگە الا وتىرىپ جۇمىس جاسايتىن بولادى. جۇمىس بارىسىندا ينتەرنەت الەۋمەتتىك جەلىسىن دە بەلسەندى پايدالانىپ، قازاقستاننىڭ ءار وبلىسىنان قوزعالىستىڭ جەكە توپتارى دا جۇمىس ىستەيتىن بولادى. ول مۇعالىمدەردىڭ قۇقىعىنىڭ تاپتالۋىنا، جەمقورلىقتىڭ الدىن الۋ، نەمەسە بولعان فاكتورعا بايلانىستى جەكەلەنگەن بەلسەندى مۇعالىمدەردىڭ قۇقىعىنىڭ تاپتالماۋىنا، جۇمىسىنىڭ ساقتالۋىنا قاداعالاۋ جاسايتىن بولادى.
ميرجان تەمىربەكوۆ
«اعارتۋشى» قوعامدىق قوزعالىسىنىڭ مۇشەسى
