قازاقستان مەشىتتەرىنىڭ جاماعاتى تاراۋىقتان تەگىن تاكسيمەن قايتادى، - دەپ حابارلايدى Qamshy.kz Islam-today.ru مالىمەتتەرىنە سىلتەمە جاساپ.

«قازاقستاندا «يمام» دەپ اتالاتىن تەگىن تاكسي قىزمەت كورسەتە باستادى»، - دەپ جازادى اقپارات قۇرالى. ال، تەگىن تاكسيدىڭ جۇرگىزۋشىلەرى ەلدى مەكەندەردەگى مەشىت يمامدارى كورىنەدى. ولار تاراۋىق نامازىنان سوڭ جاماعاتتى ۇيدى-ۇيلەرىنە جەتكىزىپ تاستاۋ مىندەتىن الىپ وتىر.

بۇل باستاما باس ءمۇفتي ەرجان قاجى مايەمەروۆتىڭ ورازا قارساڭىنداعى ۇندەۋىنە قولداۋ رەتىندە كوتەرىلگەنىن ايتا كەتۋ كەرەك. تەگىن تاكسي قازاقستاندا العاش رەت شىعىس قازاقستان وبلىسىندا قىزمەتىن باستادى.

«تاراۋىق ۋاقىتى وتە كەش كەلەدى. كوپتەگەن ازاماتتارىمىز تۇندە تاكسيمەن قايتۋدى قالتاسى كوتەرمەيدى. سوندىقتان، رامازان ايىندا وسىنداي باستاما كوتەردىك»، - دەيدى «حاليفا التاي» مەشىتىنىڭ باس يمامى ەرمەك قاجى مۇحاراي.