بۇگىن اقىن، جازۋشى، كومپوزيتور، ءانشى ەرمۇرات زەيىپحان ۇلىنىڭ دۇنيەگە كەلگەن كۇنى. قازاق رۋحىنىڭ، وتانعا دەگەن شەكسىز ماحاببات پەن ىستىق ساعىنىشتان تۋعان «كوك تۋدىڭ جەلبىرەگەنى» ءانىنىڭ اۆتورى ەرمۇرات زەيىپحان ۇلى 2011 جىلى 21 ماۋسىمدا، 46 جاسقا قاراعان شاعىندا دۇنيەدەن ءوتتى.

ول 1966 جىلى 15 مامىردا جۇڭگو حالىق رەسپۋبليكا­سىنداعى شىڭجاڭ ولكەسى، ىلە اي­ماعى، كۇنەس اۋدانىندا دۇنيەگە كەلگەن. ورتا مەكتەپتى، ونەر ينستيتۋتىن سوندا ءتامامداپ، 1991 جىلى قازان ايىندا قازاقستانعا ورالعان. 
العاشقى پروزالىق شىعارماسى 1999 جىلى «سىبىزعى سارىنى» دەگەن اتپەن جارىق كورسە، پوەزيا كىتابى 2002 جىلى «وزىڭە ارنادىم» دەگەن اتپەن جارىق كورگەن. «ءۇش بۋرىل»، «بۇ دۇنيە» سياقتى كىتاپتارى وقىرمان قاۋىمنان لايىقتى باعاسىن العان. رەسپۋبليكالىق گازەت-جۋرنال­داردا شىعارمالارى ۇزبەي جاريالانىپ تۇردى. «جۇلدىز» جۋرنالى ۇيىم­داس­تىرعان 2001 جىلى ارتىعالي ىبى­رايەۆ­قا ارنالعان ءمۇشايرانىڭ جۇلدەگەرى. 

قازاقستان رەسپۋبليكاسى قورعانىس مينيستر­لىگىنىڭ وركەسترىندە قىزمەت ەتكەن، ول ەلىمىزدىڭ كوپتەگەن ايماق­تارىندا، شەت ەلدەردە ءان سالىپ، قازاق ونەرىنىڭ مەرەيىن ءۇس­تەم ەتكەن ەدى. 

ومىردە سىپايى، ۇستامدى، سابىرلى دا سىرباز اقىن ازاماتتىڭ اياۋلى بەينەسى ەل جادىندا ۇزاق ساقتالادى.

قۇرمەتتى وقىرمان! نازارلارىڭىزعا بەلگىلى رەجيسسەر اسەمعازى قاپان ۇلى ازىرلەگەن دەرەكتى ءفيلمدى ۇسىنامىز.