الماتىدا اسكەري ءبىلىمدى جەتىلدىرۋ جانە اسكەري مامانداردى دايارلاۋ بويىنشا اسكەري وقۋ جيىنىنان وتكىزۋ ءۇشىن اسكەري مىندەتتىلەردى (زاپاستاعى وفيسەرلەردى، ساربازداردى، سەرجانتتاردى) ىرىكتەۋ جۇمىستارى باستالدى، - دەپ حابارلايدى Qamshy.kz.
اسكەري جيىنعا اسكەري مىندەتتىلەردى شاقىرۋ الماتى قالاسىنىڭ قورعانىس ىستەرى جونىندەگى دەپارتامەنتى جانە ونىڭ قۇرىلىمدىق بولىمشەلەرىمەن ۇيىمداستىرىلماق.
اسكەري وقۋعا اسكەري مىندەتتىلەردى شاقىرۋدى وتكىزۋ الماتى قالاسىنىڭ جەرگىلىكتى اسكەري باسقارۋ ورگاندارىمەن بىرگە دايىندىق جۇمىستارى جۇرگىزىلۋدە.
اتالعان جيىننىڭ نەگىزگى ماقساتى - اسكەري ءبولىمنىڭ جاۋىنگەرلىك جۇمىلدىرۋ ازىرلىگىن كۇشەيتۋ، دايىنداۋ، ارتتىرۋ ماقساتىندا اۋدانداردا سوعىس ۋاقىتىندا جيىنتىقتاۋ جانە جۇمىلدىرۋ، جاساقتاۋ كەزىندە قازاقستان رەسپۋبليكاسىنىڭ قارۋلى كۇشتەرىن، باسقا دا اسكەرلەرى مەن اسكەري قۇرىلىمدارىن اسكەري مىندەتتىلەرمەن قامتۋ كەزىندە قاجەتتى اسكەري-وقۋ رەسۋرستارىن قوردا ۇستاۋ بولىپ تابىلادى. وسى اسكەري جيىنعا 200-دەي ادام الماتى قالاسىنان شاقىرىلادى. سونىمەن بىرگە جيىننىڭ ەڭ ماڭىزدى ەرەكشەلىگى جيىنعا قاتىساتىن اسكەري مىندەتتىلەر جاتىن ورىنمەن قامتاماسىز ەتىلىپ، جۇمىس جاسايتىن ازاماتتارعا جالاقى وتەماقىسى تولەنەدى.
جيىنعا شاقىرىلعان اسكەري مىندەتتىلەردى بارلىعى كازارمالىق جاعدايدا بولىپ، بارلىق زاتتىق جانە ازىق-تۇلىكپەن قامتاماسىز ەتۋ قازاقستان رەسپۋبليكاسى قورعانىس مينيسترلىگىنىڭ قاراجاتىنان جۇرگىزىلەدى. اسكەري وقۋ جيىنى كەزىندە اسكەري مىندەتتىلەردىڭ جۇمىس ورنى مەن اتقاراتىن لاۋازىمى ساقتالىپ، رەسپۋبليكالىق بيۋدجەت ەسەبىنەن ورتاشا ايلىق جالاقى تولەنەدى.
جيىن «وڭتۇستىك» وڭىرلىك باسشىلىعىنىڭ بولىمدەرىندە جانە قۇرلىق اسكەرلەرى اسكەري ينستيتۋتىنىڭ بازاسىندا مەديسينالىق سالانىڭ ماماندارىن،قگراناتا لاقتىرۋشىلاردى، سنايپەرلەردى، مەرگەندەردى، تانكيستەردى، پۋلەمەتشىلەردى، ۆزۆود كومانديرلەردى دايىنداۋ بويىنشا وتكىزىلەدى. اسكەري جيىن اياقتالعاننان كەيىن جيىندا جاقسى جاعىنان كوزگە تۇسكەن جانە اسكەري داعدىلاردى ۇزدىك مەڭگەرگەن اسكەري قىزمەتشىلەر ماداقتاما قاعازىمەن ماراپاتتالىپ، ولارعا كەزەكتى اسكەري اتاق بەرۋ قاراستىرىلادى.
قارلىعاش مۇسابەك قىزى
الماتى قالاسىنىڭ جەرگىلىكتى اسكەري باسقارۋ ورگاندارىنىڭ باسپا ءسوز حاتشىسى
