Singapore Airlines اۋە كومپانياسىنىڭ ۇشاعىنىڭ شۇعىل قونۋى كەزىندە وڭ قاناتى وتقا وراندى. Channel News Asia تەلەارناسىنان حابارلاعانداي، وقيعا سالدارىنان سينگاپۋرلىق «چانگي» اۋەجايىندا زارداپ شەككەندەر بولمادى، - دەپ حابارلايدى Qamshy.kz قازاقپاراتقا سىلتەمە جاساپ.
تاسس-تىڭ حابارلاۋىنشا، Boeing 777 سينگاپۋر - ميلان باعىتىندا ۇشقان. شامامەن ەكى ساعاتتان كەيىن قوزعالتقىشتاردىڭ بىرىندە بولعان اقاۋ سالدارىنان كوماندير اۋەجايعا قايتا ورالۋ شەشىمىن قابىلدادى. الدىن الا اقپاراتتارعا قاراعاندا، مۇندا جانار-جاعارمايدىڭ توگىلۋى مۇمكىن. قونۋ كەزىندە ۇشاقتىڭ وڭ جاعىندا ءورت شىقتى. ءورت ساقشىلارى وقيعا ورنىنا بىرنەشە مينۋتتان كەيىن جەتتى.
قازىرگى ۋاقىتتا قۇقىق قورعاۋ ورگاندارى، سونىمەن قاتار اۆياتاسىمالداۋشى وقيعانىڭ ءمان-جايىن انىقتاپ جاتىر.
