يسلامتانۋشى قانات جۇماعۇل "ءبىز ءسالافي ەمەسپىز" دەگەن مۇحامەدجان تازابەككە جاۋاپ بەردى، - دەپ حابارلايدى Qamshy.kz.

"دات ايتۋعا حاقىمىز بار!" دەگەن ۇستاز "اسىل ارنا" باسشىسىنىڭ ايتقاندارىنا كۇمانمەن قارايتىن سياقتى. سودان بولار قانات جۇماعۇل مۇحامەدجان تازابەكتىڭ سوزىنە سەنۋ ءۇشىن ءبىرقاتار شارتتاردىڭ ورىنداۋلى كەرەكتىگىن العا تارتادى.

"ءبىزدى "ءسالاف" دەپ جۇرگەندەر وتپەن وينايدى"، - دەگەن كىسىنىڭ سوزىنە كەلەسى شارتتارمەن عانا سەنۋگە بولادى:

1. اباي قۇنانباي ۇلى مەن ءماشھۇر ءجۇسىپتىڭ اللانى مەكەنسىز دەپ سيپاتتاۋلارى - دۇرىس سەنىم دەپ مويىنداسا، ءارى اللانى ءوز بولمىسىمەن (زاتىمەن) اسپاندا دەپ سەنۋدىڭ اداسۋشىلىق ەكەنىن قابىلداسا؛

2. يمام تاحاۋي اللا تاعالانىڭ بولمىسى شەكتەلۋدەن جانە اعزالاردان پاك دەپ ايتقان سەنىمىن دۇرىس ءارى اقيقات دەپ مويىنداسا؛

3. مۋحامماد يبن ابديلۋاھھابتى اداسقان دەپ قابىلداسا؛

4. قمدب-نىڭ تۇعىرناماسىندا كورسەتىلگەندەي يمام ءابۋ حانيفانىڭ ءمازھابىنا نەگىزدەلگەن "ماتۋريدي" سەنىم مەكتەبىن ءاھلۋ سۋننا جولى دەپ مويىنداپ، ونى ءوز ءدىني باعىتىنا اينالدىرسا؛

5. ءارى وسى ايتىلعانداردى ءوز سوزىمەن ب ا ق جانە الەۋمەتتىك جەلىلەر ارقىلى جاريالاسا.

ەگەر بۇل تالاپتار ورىندالماسا، وندا ول كىسى ءوزىنىڭ سالافيت ەكەنىن مويىنداسىن!"، - دەيدى يسلامتانۋشى.

بۇعان دەيىن مۇحامەدجان تازابەك باق-قا "ءبىزدى ءسالافي دەيتىندەر وتپەن ويناپ ءجۇر" دەپ سۇحبات بەرگەن بولاتىن. وندا م. تازابەك ەلباسىنىڭ "اقتوبەدەگى تەراكت ءسالافيزم اعىمىنا ەرۋشىىلەردىڭ ءىسى" دەگەن سوزىنە تۇسىنىك بەرگەن.