سiبiر جاراسىنان كوز جۇمعان ەر ادام اۋرۋحاناعا كەش بارعان. بۇل تۋرالى ق ر دەنساۋلىق ساقتاۋ جانە الەۋمەتتiك دامۋ مينيسترi تامارا دۇيسەنوۆا جۋرناليستەرگە بەرگەن سۇحباتىندا ايتتى، - دەپ حابارلايدى Qamshy.kz.

بۇعان دەيiن باق-تا ەر ادامنىڭ وبلىس اۋرۋحانالارىندا كومەك الا الماعانى تۋرالى اقپارات تاراعان بولاتىن.

ەستەرiڭiزگە سالا كەتەيىك، سiبiر جاراسىنان كوز جۇمعان ەر ادامنىڭ ۇلى اكەسiنiڭ ون كۇن بويى ءدارiگەرلەردەن كومەك الا الماعانى تۋرالى ايتقان ەدi.

"قايتىس بولعان ازاماتقا كەلسەك، ول اۋرۋحاناعا بارىپ، قولىمدى كەسiپ الدىم دەگەن. مەديسينالىق ۇيىم سول ارقىلى سiبiر جاراسى جۇعادى دەپ ويلاماعان. ول ءوز اۋدانىندا كومەك الۋى تيiس ەدi. ودان كەيiن قاجەتتiلiك تۋىنداعان جاعدايدا وبلىستىق اۋرۋحاناعا كەلۋi كەرەك بولاتىن. بۇنداعى ەڭ باستى ماسەلە – ناۋقاستىڭ دارىگەرلەرگە كەش قارالۋى. ەكiنشiدەن، ول اباي بولماعان جانە ءۇشiنشiدەن، مەديسينالىق ۇيىمدا ازاماتتىڭ قولىن مال سويعاندا كەسiپ العانى تۋرالى اقپارات بولماعان. قازiرگi تاڭدا وبلىستىق جانە اۋداندىق اۋرۋحانالار تەكسەرiلۋدە"، - دەدi ت.دۇيسەنوۆا.

ايتا كەتەيىك، اسا ءقاۋىپتى اۋرۋ وشاعىنىڭ تابىلىپ، ەكى ادامنىڭ قايتىس بولۋىنا بايلانىستى قاراعاندى وبلىسى شەت اۋدانى ەركىندىك اۋىلى مەن ودان 50 كم راديۋس قاشىقتىقتاعى اۋماققا 22 ماۋسىمدا توتەنشە جاعداي جاريالاندى. اۋىلعا باراتىن بارلىق باعىتتار مەن دالا جولدارى جابىلدى. بۇل اۋىلدان اۋىل شارۋاشىلىق ونىمدەرىن تاسىمالداۋعا تىيىم سالىنىپ، كولىك قاتىناسى توقتاتىلدى. قازىرگى تاڭدا رەسپۋبليكالىق ۆەتەرينارلىق باقىلاۋ جانە قاداعالاۋ كوميتەتىنىڭ ماماندارى ارناۋلى قۇرال-جابدىقتارىمەن ەركىندىك اۋىلىندا تەكسەرۋ جۇمىستارىن جۇرگىزۋدە. 

مامانداردىڭ ايتۋىنشا ەركىندىك اۋىلىنان ازىرگە ءسىبىر جاراسىن جۇقتىرعان ءبىر مال عانا انىقتالدى. اۋىلدا 465 ادام تۇرادى. اۋرۋ مالدىڭ ەتىن تۇتىنعاندارمەن 62 ادام، ونىڭ ىشىندە 21 بالا ارالاسقان. بۇگىنگى تاڭدا بارلىعىنا دەرلىك ەمدىك شارالار جۇرگىزىلىپ، تەكسەرىستەن وتكىزىلدى. ولاردان اۋرۋ قوزدىرعىشى انىقتالعان جوق. 

قاراعاندى وبلىستىق ينفەكسيالىق اۋرۋحاناسىندا ءسىبىر جاراسىن جۇقتىرعان 7 ناۋقاس ەم قابىلداۋدا. 

قاراعاندى وبلىسىنىڭ ىشكى ىستەر دەپارتامەنتى ق ر قك 327 باپ 1 تارماعى بويىنشا ۆەتەرينارلىق ەرەجەلەردi جانە ءوسiمدiكتەردiڭ اۋرۋلارى مەن زيانكەستەرiنە قارسى تالاپتاردىڭ ساقتامالماۋىنان اۋىر سالدارعا الىپ كەلۋ فاكتىسى بويىنشا قىلمىستىق ءىس قوزعادى.