بەلگىلى شىمكەنتتىك كاسىپكەر توقتار تولەشوۆتىڭ بوستاندىققا شىقپايتىنىنا كوزى جەتكەن بولۋى كەرەك، ونىمەن بىرگە جۇمىس ىستەگەن سىرا زاۋىتىنىڭ باسشىلارى قۇرىلتايشىسىنىڭ ماسقاراسىن شىعارىپ جاتىر، - دەپ حابارلايدى Qamshy.kz كتك ارناسىنا سىلتەمە جاساپ.

جۋرناليستەردى زاۋىتقا شاقىرعان ءوندىرىس ورنى ديرەكتورىنىڭ مىندەتىن اتقارۋشى، باس ەسەپشى، كادر ءبولىمىنىڭ باسشىلارى مەن زاڭگەرلەرى تولەشوۆتەن قورلىق كورىپ كەلدىك دەيدى. ايتۋلارىنشا، بەلگىلى بيزنەسمەن دۇركىرەپ تۇرعان كەزىندە 4 ايەلىن سىرا زاۋىتىنا قاعاز جۇزىندە ورنالاستىرىپ، ءارقايسىنا اي سايىن 2 ميلليون 200 مىڭ تەڭگەدەن جالاقى تولەپ كەلىپتى. ەكى قىزى دا جۇمىسقا باس سۇقپاي-اق قىرۋار جالاقى الىپ وتىرعان. تولەشوۆتىڭ كۇزەتى بار، كولىگىنىڭ شىعىنى بار اي سايىن 60 ميلليون تەڭگە سوعان جۇمسالعان. قۇرىلتايشىلارى اقپاندا ول قاماۋعا الىنعاننان سوڭ عانا جاعدايىمىز تۇزەلدى دەيدى.

-توقتار تولەشوۆ 5 جىل ىشىندە كاسسادان 8 جارىم ميلليارد تەڭگەنى سۇراۋسىز جۇمساپ جىبەردى. جۇمىسشىلاردىڭ ورتاشا جالاقىسى 25 مىڭ تەڭگەدەن اسپايتىن. سونىڭ كەسىرىنەن ايلىقتى دا كوتەرە المايتىنبىز، قارىزىمىز دا كوبەيىپ كەتتى. ەندى ول قاماۋعا الىنعالى بەرى زاۋىت داعدارىستان شىعا باستادى، - دەيدى سىرا زاۋىتىنىڭ بۋحگالتەرى سۆەتلانا لۋكينىح.