"كامەلەت جاسىنا تولماعانداردى بەيىمدەۋ ورتالىعىنىڭ" تەرريتورياسىنان كەتىپ قالعان جاسوسپىرىمدەرگە ىزدەۋ جاريالاندى، - دەپ حابارلايدى Qamshy.kz Tengrinews.kz -كە سىلتەمە جاساپ.

بالالاردىڭ جوعالعانى جايلى حابار پوليسياعا 21.15-تە تۇسكەن. حابار بەرۋشىلەردىڭ مالىمەتىنشە، جاسوسپىرىمدەر 27 ماۋسىمدا شامامەن ساعات 18.00-دە سەرۋەندەۋ كەزىندە كەتىپ قالعان.

قاشىپ كەتكەن 2001 جىلعى دياس كاكىموۆ پەن ونىڭ قۇرداسى سوبوليەۆسكيي ءۆلاديميردىڭ وزدىگىنەن كەتىپ قالۋ جانە قاڭىباستىعى ءۇشىن ورتالىقتا ۋاقىتشا بولعانى جانە تارازداعى ديەۆيانتتىق مىنەز-قۇلىق كورسەتەتىن بالالار مەن جاسوسپىرىمدەردىڭ ارنايى مەكتەبىنىڭ باقىلاۋىنا بەرىلۋى ءتيىس بولعانى ايتىلادى. ال 2002 جىلعى دەنيس اسپيلەيدەر اقمولا وبلىستىق كامەلەت جاسىنا تولماعاندار ءىسى جونىندەگى يۋۆەنالدىق سوتىنىڭ شەشىمىمەن بالالار ۇيىنە جىبەرىلۋگە دەيىن بەيىمدەۋ ورتالىعىندا بولعان، سەبەبى ونىڭ شەشەسى اتا-انا قۇقىعىنان ايىرىلعان.

جاسوسپىرىمدەردى ىزدەۋ جۇمىستارىمەن كوكشەتاۋ ءىىب پوليسەيلەرى مەن يۋۆەنالدىق پوليسيا ينسپەكتورلارى اينالىسىپ جاتىر. "پوليسەيلەر ولاردى تابۋ بويىنشا جەدەل-ىزدەستىرۋ شارالار كەشەنىن جۇرگىزىپ جاتىر، تۋىستارى مەن دوستارىن، تانىستارىنان سۇراستىرىپ جاتىر. جاسوسپىرىمدەر تۋرالى قانداي دا ءبىر مالىمەت بىلەتىندەردەن 25-96-00 نەمەسە 102 نومەرلەرىنە حابار بەرۋدى سۇرايمىز"، دەلىنگەن اقمولا وبلىستىق ءىىد باسپا ءسوز  حابارلاماسىندا.