ىستامبۇلداعى اتاتۇرىك حالىقارالىق اۋەجايىنداعى جارىلىس كەزىندە ول جەردە ءبىر توپ قازاقستاندىقتار دا بولعان، - دەپ حابارلايدى Qamshy.kz  tengrinews.kz – كە سىلتەمە جاساپ.

ولار استانادان بولگارياعا بارا جاتقان ازاماتتار كورىنەدى.

«ءبىزدىڭ توپتا بارلىعى 21 ادام بار. بولگاياعا بالالاردىڭ مۋزىكالىق بايقاۋىنا بارا جاتقان بەتىمىز ەدى. اۋەجايدا ءبىز جۇكتەرىمىزدى الىپ، باسقالاردى كۇتىپ تۇرعانبىز. الىستان ءبىر تارسىل ەستىلدى. ارتىنان اۋەجايعا كىرەبەرىستە جارىلىس بولدى. بارلىعى استان-كەستەن بولدى، سىلاقتار ۇشىپ جاتتى. قۇداي ساقتاپ، ءبىزدىڭ توپتان ەشكىم جاراقات المادى»، - دەگەن tengrinews.kz – كە كۋاگەرلەردىڭ ءبىرى.

تەراكت كەزىندە اۋەجايدا بولعان، ساپاردان كەشىككەن قازاقستان ازاماتتارى ەلىمىزدىڭ سونداعى كونسۋلدىعى قوناق ۇيلەرگە ورنالاستىرۋعا ىقپال ەتكەن. بۇعان دەيىن ق ر ءسىم تۇركيادا بولعان تەراكتىدەن زارداپ شەككەن قازاقستان ازاماتتارىنىڭ جوق ەكەنىن حابارلاعان ەدى.

تۇركيادا جۇرگەن قازاقستان ازاماتتارى ءۇشىن ءسىم سول ەلدەگى كونسۋلدىقتىڭ تەلەفون ءنومىرىن حابارلادى:  +90 212 6625347. 

ەستەرىڭىزگە سالساق، تۇركيانىڭ ىستامبۇل قالاسىندا ءۇش بىردەي جارىلىس بولىپ، 36 ادام قازا  تاپقانى حابارلاندى.