قازاقستاندىق ۇشقىشتار جالعان مەديسينالىق انىقتامانى ساتىپ الىپ كەلگەن. جولاۋشى تاسىمالداپ جۇرگەن ۇشقىشتاردىڭ ەسىرتكىگە ەلىرىپ تىزگىن ۇستاۋى جانە ونىسىن ءتيىستى ورىنداردىڭ بايقاماي قالۋى سوندىقتان ەكەن، - دەپ حابارلايدى Qamshy.kz كتك ارناسىنا سىلتەمە جاساپ.
ويتكەنى، ۇشار الدىندا ەكيپاج كومانديرىن ەشكىم ءجىتى تەكسەرمەيدى. ۇشقىش تەك جىلىنا ءبىر رەت قان تاپسىرىپ، تىيىم سالىنعان پرەپاراتتارعا قارسى ساراپتاما جاساتسا جەتكىلىكتى. ەستەرىڭىزگە سالساق، «ەير استانا» كومپانياسىنىڭ ماسكەۋدەن الماتىعا قاتىناعان ۇشاعىنىڭ ەكيپاج مۇشەسىنەن ماريحۋانا تابىلعان ەدى. ۇشقىش ەسىرتىكى بىرنەشە جىل بويى تۇراقتى پايدالانىپ كەلگەنىن مويىندادى دا. ءسويتىپ رومان بىكوۆ ەكى جارىم جىلعا سوتتالدى. وسى وقيعاندان سوڭ ەلىمىزدە ۇشقىشتاردى ءجيى تەكسەرۋ تۋرالى ۇسىنىستار ايتىلعان. الايدا، ازاماتتىق اۆياسيا كوميتەتىندەگىلەر ءالى بۇل ماسەلەگە قاتىستى ناقتى شەشىم قابىلداماپتى.
البەرت راۋ، ق ر ينۆەستيسيا جانە دامۋ ءمينيسترىنىڭ ورىنباسارى:
- وكىنىشكە قاراي تەكسەرۋدىڭ ناتيجەسى جاقسى ەمەس. وتكەن جىلى اۋە قىزمەتكرەلەرى 80-نەن استام جالعان مەديسينالىق انىقتاما جاساتقان. حالىقارالىق تالاپقا ساي، بۇل سالانى قاتاڭ باقىلاۋعا الۋ كەرەك.
