مينسك ورتالىعىندا ونداعان بەلسەندى پارلامەنتكە سايلاۋ ناتيجەلەرىنە قارسى نارازىلىق شاراسىن وتكىزدى. سايلاۋدى «ادىلەتسىز ءوتتى» دەگەن بەلسەندىلەر جاڭادان داۋىس بەرۋدى تالاپ ەتكەن پلاكاتتارمەن شىققان، - دەپ حابارلايدى Qamshy.kz ازاتتىققا سىلتەمە جاساپ.

پرەزيدەنتتىككە بۇرىنعى ۇمىتكەر ۆلاديمير نەكليايەۆ: «سايلاۋ بولعان جوق. بۇل تاعى ءبىر ساياسي فارس»، - دەپ مالىمدەدى. ورتالىق سايلاۋ كوميسسياسىنىڭ دەرەگىنشە، 20 جىلدان بەرى تۇڭعىش رەت وپپوزيسيالىق پارتيالاردان پارلامەنتكە ەكى وكىل وتكەن.

ەۋرازياداعى قاۋىپسىزدىك جانە ىنتىماقتاستىق ۇيىمىنىڭ باقىلاۋشى ميسسياسىنىڭ جەتەكشىسى كەنت حارستەد ازاتتىققا بەرگەن سۇقباتىندا «سايلاۋ «ادىلەتسىز، جابىق وتكەن جوق» دەگەندى ايتتى. پارلامەنتتەگى دەپۋتاتتاردىڭ باسىم كوپشىلىگى پرەزيدەنت الەكساندر لۋكوشەنكونىڭ جاقتاستارى. 1990-جىلداردان بەرى بەلارۋستە وتكەن ءسايلاۋلاردىڭ بىردە ءبىرى اشىق جانە دەموكراتيالىق تۇردە ءوتتى دەپ مويىندالعان جوق.