بۇل تۋرالى Qamshy.kz حابارلايدى.
«ومىرىمدە العاش رەت ءوز قولىممەن قوي سويدىم. انىعىندا، قۇرباندىق شالۋ راسىمىنە قاتىستىم. ەكى ۇداي سەزىمگە بولەنەدى ەكەنسىڭ. ءبىر جاعىنان جانۋاردى ايايسىڭ، ال ءبىر جاعىنان مۇنىڭ ەرتەدەن كەلە جاتقان كيەلى ءداستۇر ەكەنىن تۇسىنەسىڭ. قۇربان ايت – قايىرىمدىلىق مەيرامى. ول ءبىزدى قايعىعا ورتاقتاسا بىلۋگە، مۇقتاج جاندارعا كومەك قولىن سوزۋعا ۇيرەتەدى»، – دەپ جازدى ءساتجان جەلىدەگى پاراقشاسىندا.
جەلى قولدانۋشىلارى ءساتجاننىڭ بۇل قىلىعىنا ءتانتى بولىپ، شالعان قۇرباندىعىنىڭ قابىل بولۋىن تىلەدى. كەيبىرەۋلەر مال سويۋ راسىمىنە ايەلدىڭ قاتىسۋىن العاش كورۋىن ايتسا، ەندى ءبىرى وسىنداي قايىرىمدى شارالاردىڭ بىزدە از جاريالاناتىنىن، جۇلدىزداردىڭ مۇنداي ساۋاپتى ىستەرى كوپشىلىك ءۇشىن ۇلگى ەكەنىن ايتىپ، رازىلىقتارىن ءبىلدىرىپ جاتسا، جاريا قىلۋدىڭ قاجەتى جوق ەكەنىن دە جازۋشىلار تابىلىپ جاتتى.
ەستەرىڭىزگە سالساق، بۇگىن بارشا مۇسىلماندار ءۇشىن قاسيەتتى مەرەكە – قۇربان ايتتىڭ ەكىنشى كۇنى. قۇربان ايت – ورازا ايتتان 70 كۇن وتكەن سوڭ كەلەدى.
