تامىز ايىندا ەلىمىزدە مۇناي وڭدەۋ بىلتىرعا قاراعاندا 14،2 پايىزعا تومەن بولدى، - دەپ حابارلايدى Qamshy.kz قازاقپاراتقا سىلتەمە جاساپ.

الدىن الا مالىمەتتەر بويىنشا، 2016 جىلدىڭ تامىز ايىندا قازاقستاندا 1 ملن. 283 مىڭ توننا مۇناي وڭدەلدى. 

بۇل 2015 جىلدىڭ وسى كەزەڭىمەن سالىستىرعاندا 14،2 پايىزعا تومەن. بۇل تۋرالى «مۇناي جانە گاز اقپاراتتىق تالداۋ ورتالىعى» اق باسپا ءسوز قىزمەتىنەن حابارلاندى.

ايتا كەتەرلىگى، ورتالىقتىڭ مالىمەتتەرىنە قاراعاندا، ەسەپتى كەزەڭدە ەلىمىزدە بەنزين ءوردىرۋ - 241،4 مىڭ توننانى، اۆياكەروسين  - 17،9 مىڭ توننانى، ديزەلدىك وتىن ءوندىرۋ - 395،8 مىڭ توننانى قۇراعان. سونىمەن قاتار، تامىز ايىندا «تەڭىزشيەۆرويل» مۇناي ءوندىرۋ كولەمى الدىڭعى ايمەن سالىستىرعاندا 50،8 پايىزعا تومەندەگەن. بۇل كورسەتكىش نەگىزىنەن ەكىنشى بۋىندىق زاۋىتتىڭ جوسپارلى كۇردەلى جوندەۋ جۇرگىزۋىنە بايلانىستى تۋىنداپ وتىر. زاۋىتتاعى جوندەۋ جۇمىستارى 1 تامىزدا باستالعان. بۇل 45 كۇنگە جالعاسادى دەپ كۇتىلەدى.

«ەنەرگەتيكا ءمينيسترى قانات بوزىمبايەۆتىڭ سوزىنە قاراعاندا، قاراشىعاناق كەن ورنىندا الداعى ۋاقىتتا ءىرى گاز وڭدەۋ كەشەنى بوي كوتەرەتىنى جوسپارلانعان. مۇنداي كەشەن قازاقستان ءۇشىن الەمدىك نارىقتاعى قۇبىلمالىلىققا قارسى تاۋەكەلدەردىڭ الدىن الۋ قۇرالى بولىپ تابىلادى»، - دەلىنگەن باسپا ءسوز بايانىندا.