«قىزدارعا جاقسى قارايمىن» دەگەن بەلگىلى ايتىسكەر اقىن رينات زايىتوۆ «سىرلاسۋ» باعدارلاماسىنا بەرگەن سۇحباتىندا بۇل ءوزىنىڭ كەمشىلىگى ەكەنىن ايتتى، - دەپ حابارلايدى Qamshy.kz.

«...جاقسى قارايمىن. ءقازىر وتىرىك اقتالماي-اق قويايىن، قىزعا كىم بارمايدى دەپ... بىلاي ايتقانىم دۇرىس شىعار: ول مەنىڭ كەمشىلىگىم»، - دەيدى رينات ءوزىنىڭ قىزقۇمارلىعى جايىندا.

الايدا مۇندايعا ەشكىم وڭايلىقپەن كونبەيدى دەگەن اقىن وتباسىن ەشقاشان تاستامايتىنىن ايتتى.

بۇدان جارىنىڭ دا، باسقالارىنىڭ دا حابارى بارىن ايتقان ءۇش بالانىڭ اكەسى رينات ەكى ايەل العان ەرلەردى داتتاپ جاتاتىن قوعامعا رەنىشىن دە ءبىلدىردى.

«ءبىز ءبىر كۇيەۋدەن اجىراسىپ، ەكىنشىسىنە تيگەن ايەلگە كەشىرىممەن قارايمىز. ءۇشىنشى، ءتورتىنشى كۇيەۋگە تيسە دە، بۇل ونىڭ تاعىدىرى عوي دەيمىز. ال، ەكى ايەل العان ەركەكتى يتشە تالاۋعا دايىن تۇرامىز. شىن مانىندە، مەن سىيلايمىن ەكى ايەل، ءۇش ايەل العان ەركەكتى»، - دەيدى رينات زايىتوۆ.

سونىمەن قاتار، اقىن ءار ەر ادامدا ەركەكتىك مىنەز بولۋ كەرەكتىگىن تىلگە تيەك ەتتى.