مەن بىرنەشە كىتاپتىڭ اۆتورىمىن. جازۋشىلار وداعىنا مۇشە بولايىن-اق دەيمىن. ءبىراق بىرنەشە جىل بولدى، المايدى. سەبەبىن سۇراسام، نەگە المايتىنىن ەشكىم ناقتى ايتپايدى. «ءتوراعا كەيىن سىرعىتتى» دەيدى.
قالامگەرلەردىڭ القالى جيىنىندا اقساقال جازۋشى قۇجاتىن جيىرما جىل بۇرىن وتكىزگەن اۋدارماشى كەلىنشەكتىڭ مۇشەلىك بيلەتىن كۇتە-كۇتە قارتايعانىن ايتىپ ەدى. مەن دە ءبىر بيلەتكە جەتە الماي شال اتاناتىن شىعارمىن. كەيبىرەۋلەردىڭ وسى وداققا قۇجاتتارىن وتكىزگەن كۇيى «سەن جازۋشىلار وداعىنىڭ مۇشەلىگىنە قابىلداندىڭ» دەگەن جاڭالىقتى ەستي الماي، و دۇنيەگە اتتانىپ تا كەتكەنىن دە بىلەمىز.
جالپى جازۋشىلار وداعىنا مۇشەلىكتەن ۇمىتكەرلەردىڭ قۇجاتتارىن كىمدەر سارالايدى؟ بىرەۋلەر «ەشكىم سارالامايدى، جالعىز ءتوراعانىڭ قولىنان وتەدى. ون جەتىدەگى جاس قىزدار رۋ جاقىندىعىنىڭ ارقاسىندا پىشاقتىڭ قىرىنداي ولەڭدەر جيناعىمەن ءوتىپ كەتتى عوي» دەيدى. قايسىسىنا سەنەمىن؟
قابىلەت، دارىنى شامالى بولسا دا جاسى جيىرما بەسكە جەتپەي-اق مۇشەلىك بيلەتىن ۇستاپ جۇرگەندەردى كورگەندە قىزىعىپ قالامىن. مەن دە سولار سياقتى نەگە مۇشە ەمەسپىن دەپ.
بۇل مۇشەلىككە ءوتۋدىڭ ءبىر قۇپياسى بار سياقتى. مەن بىلمەيتىن قۇپيا. بالكىم ءسىز بىلەتىن شىعارسىز. بىلسەڭىز، ماعان ءتۇسىندىرىپ بەرىڭىزشى.
ەردەن قوعاموۆ
