بايان ەسەنتايەۆا  ەكى كۇن بۇرىن بالالارىن جالعىز تاربيەلەپ جاتقان جالعىزباستى ايەلدەرگە  كومەكتەسەتىن  “انالار ءۇيى” قوعامدىق  ۇيىمىنا  باردى،- دەپ حابارلايدى Qamshy.kz.   

“الەم مەيىرىمدى جاندارسىز ەمەس.  بۇگىن العاش رەت “انالار ۇيىنە” باردىم. ۇلكەن، ءارى  ىڭعايلى. وندا  20 انا وزدەرىنىڭ بالالارىمەن بىرگە تۇرىپ جاتىر. جاس انالاردىڭ ازىرشە بارار جەر، باسار تاۋلارى جوق. ولاردى كۇتىپ جاتقان اتا-انالارى جوق، ولاردى تۋىسقاندارى، ءومىر ءسۇرىپ جاتقان قوعامى تۇسىنبەيدى. ءبىراق،  ولار وزدەرىنىڭ پەرزەنتتەرىن شەكسىز جاقسى كورەدى، «انالار ءۇيى» بالالارىن جەتىمدەر ۇيىنە وتكىزبەس بۇرىن، ولاردىڭ مىڭ رەت ويلانۋىنا مۇمكىندىك بەرەدى. ولار وتە تاتۋ تۇرادى جانە انا بولۋ ءۇشىن وندا بارلىق جاعداي جاسالعان.  قازاقستاندا ءدال وسىنداي 28 ءۇي بار، ونداي ۇيىمداردى مەيىرىمدى مەسەناتتار اشقان. وسىنداي ۇيلەردىڭ ارقاسىندا ەلىمىزدە جەتىمدەر سانى از. ەگەر  ءسىزدىڭ ولارعا كومەكتەسۋگە دەگەن نيەتىڭىز بولسا، مىنا نومىرگە حابارلاسۋىڭىزعا بولادى:  8 701 752 72 45» – دەپ جازعان ينستاگرام پاراقشاسىندا بايان ەسەنتايەۆا.

پروديۋسەردىڭ انالار ۇيىنە بارىپ،  قولداۋ  بىلدىرگەنى ەلدى ەلەڭ ەتكىزبەي قويمادى. باياندى جاقسى كورەتىن وقىرماندارى ونىڭ بۇل ىسىنە ريزا بولىپ، العىستارىن ءبىلدىرىپ جاتتى.