جاپونيادا سوڭعى ءۇش جىلدا ءال-اۋقاتى تومەن وتباسىنىڭ بالالارىنا ارنالعان اسحانالار سانى  300-دەن اسقان. بۇل تۋرالى ABC News. حابارلايدى. 2013 جىلى بۇكىل ەل اۋماعىندا 21 Kodomo shokudo (بالالار اسحاناسى) بولسا، بۇگىندە ونىڭ سانى 319-عا جەتكەن.

توكيوداعى بالا تاربيەسىمەن بايلانىستى مەكەمەنىڭ ءبىرىن باسقاراتىن سەسۋكو يتونىڭ ايتۋىنشا، بۇگىندە كوپتەگەن جاپون وتباسىندا بالالار جاقسى كيىنىپ، قىمبات سمارتفون ۇستاپ جۇرگەنمەن مەكتەپتە سۋسىن الىپ ىشەتىن اقشاسى جوق ەكەن.

 Kodomo shokudo ءال-اۋقاتى تومەن نەمەسە اتا-اناسى تۇنگە دەيىن جۇمىس ىستەيتىن وتباسىنىڭ بالالارىنا ارنالعان. بۇنداي اسحانالار جانۇيا جىلىلىعىن سەزىنە الماي جۇرگەن بۇلدىرشىندەردىڭ بىرىگىپ اس ءىشىپ، ۋاقىتىن جاقسى وتكىزۋ جاعىنان دا پايداسى مول. اسحانانىڭ وسىنداي ءتۇرىنىڭ كوبەيىپ كەتۋىنە بايلانىستى ەل ۇكىمەتى بالالار اراسىنداعى كەدەيشىكپەن كۇرەسۋدى قولعا العان. بۇگىندە جاپونيادا تالايى جارتىكەش وتباسىنىڭ بالالار تويىپ تامقا ىشپەيدى. ال جالعىز باستى انالاردىڭ ايلىق تابىسى ورتا ەسەپپەن ايىنا 1500$ شاماسىندا.