جۋىردا شەت ەل عالىمدارى وفيستەگى اۋانىڭ ادام دەنساۋلىعىنا تيگىزەتىن اسەرىنە قاتىستى زەرتتەۋ جۇرگىزىپ، ناتيجەسىندە كومپيۋتەرلەر شوعىرلانعان بولمەنىڭ مي جۇمىسىن ناشارلاتىپ، ءومىر جاسقا دا كەرى اسەر تيگىزەتىنى دالەلدەدى.  

قالا تۇرعىندارىنىڭ 80 پايىزى ءومىرىن نەگىزىنەن جابىق مەكەمە ىشىندە وتكىزەتىنى ءمالىم. اۆتوكولىكتەرى اعىلعان كوشەگە قاراعاندا ءوفيستىڭ ءىشى ادامعا اناعۇرلىم جايلى ءارى اۋاسى دا تازاراق دەپ ويلايدى كەيبىرەۋلەر. ءبىراق ەڭ تازا دەگەن مەكەمەنىڭ ءوزى ءبىزدىڭ دەنساۋلىعىمىزدى بىلدىرتەي قۇرتاتىن فاكتور ەكەن. بۇگىندە وفيس اتاۋلى حيميا ارالاس قۇرىلىس ماتەريالدارىنان جاسالىپ، زاماناۋي تەحنيكامەن جابدىقتالعان. ال وسى تەحنيكا مەن جاساندى قۇرىلىس ماتەريالدارىنان بولىنەتىن ۋلى زاتتار ونداعى قىزمەتكەرلەردىڭ اعزاسىنا وراسان نۇقسان كەلتىرەدى.

وpen plan فورماتىنداعى، ياعني كوپ ادام ءبىر جەردە شوعىرلانىپ جۇمىس ىستەيتىن اشىق تۇردە وفيستەردەگى اۋا مەكەمەنىڭ باسقا تۇرلەرىنە قاراعاندا كوبىرەك لاستانادى.

عالىمدار مىنانداي زەرتتەۋ جۇرگىزىپتى.

ءبىر ءوفيستىڭ قىزمەتكەرلەرىن ەكى توپقا ءبولىپ، ءارتۇرلى مەكەمەگە ورنالاستىرعان. ءبىر مەكەمەنىڭ ءىشىن كۇن سايىن جۋىپ، تازالىق جۇمىستارىن جۇرگىزىپ وتىرعان. ال ەكىنشى مەكەمەگە ەش وزگەرىس ەنگىزبەگەن. ءتىپتى اۋاسىن دا جەلدەتپەگەن.

 ناتيجەسىندە اۋاسى ءجيى-جيى جەلدەتىلىپ، كۇن سايىن تازالىق ورناتىلعان وفيستەگى قىزمەتكەرلەر تازالىعى جوق وفيستەگى ارىپتەستەرىنە قاراعاندا ەكى ەسە كوپ جۇمىس ىستەپ، ەڭبەك ونىمدىلىگى جاقسى بولعان.

قورىتىندى: لاس وفيس قىزمەتكەردىڭ مي جۇمىسىن تەجەيتىن باستى فاكتور ەكەن.

ازىرلەگەن: دانا قامشىبەك