سوڭعى جيىرما جىل كولەمىندە ايەلى بوسانعاندا كۇيەۋى قاسىندا بولىپ، مورالدىق تۇرعىدان كومەكتەسسە تولعاق جەڭىلدەيدى دەگەن پىكىرلەر تاراعانى بەلگىلى. «ايەلى بالا تۋعان كەزدە ەركەك قاسىندا بولسا تولعاق جەڭىل بولادى ەكەن» دەگەن تەوريانى باتىس زەرتتەۋشىلەرى ۇسىنىپ كەلدى.

ءبىراق پەرزەنتحانا ەر ادامنىڭ دەنساۋلىعى ءۇشىن اسا زياندى ەكەن. بۇل جونىندە دە عالىمدار سوڭعى بەس-التى جىل كولەمىندە زەرتتەۋلەر جۇرگىزگەن. بيرمينگەم ۋنيۆەرسيتەتىنىڭ بيومەديسينالىق ەتيكا ورتالىعىنىڭ عالىمى دجوناتان يۆ ارنايى جۇرگىزگەن زەرتتەۋ قورىتىندىسى بويىنشا ەر ادامعا پەرزەنتحانادا بولۋ زياندى ەكەندىگى انىقتالعان.

ايەلى بوسانعاندا جانىندا بولىپ، وعان ازدى-كوپتى قىزمەت كورسەتكەن ەركەك ەڭ الدىمەن ءتۇرلى پسيحولوگيالىق جازىلماس جاراقاتتار الادى. وعان قوسا بوسانۋ پروسەسىنە قاتىسقان ەر ازاماتتىڭ اعزاسىنا وراسان نۇقسان كەلىپ، ول الداعى ومىرىندە بالا تۋعىزۋ قابىلەتىن كەمىتىپ، ءتىپتى جوعالتىپ الۋى مۇمكىن ەكەن. ۇشىنشىدەن، ايەلى بوسانعاندا قاسىندا بولعان ەركەكتىڭ ودان كەيىن تۋعىزعان بالالارى «ساپالى بولمايتىن» كورىنەدى. بۇنى دا ەۋروپالىق عالىمدار ەندى زەرتتەپ تاۋىپ وتىر. ءبىر سوزبەن ايتقاندا، تۋۋ پالاتاسىندا از ۋاقىتقا دا بولعان ەركەك ەركەكتىگىن جوعالتادى.

دجوناتان ءيۆتىڭ ايتۋىنشا، ايەلدىڭ جۇكتى كەزىندە ونىڭ مەديسينالىق تەكسەرىستەرىنە تۇگەل قاتىسىپ، بۇگە-شىگەسىنە ارالاسۋ دا ەركەكتى السىرەتەدى. بۇل ارينە، ايەلى جۇكتى كەزىندە وعان مۇلدەم قاراماۋ كەرەك، كوڭىل اۋدارماۋ قاجەت دەگەن ءسوز ەمەس. عالىمنىڭ ايتىپ وتىرعانى ەر ادام ايەلىنىڭ «ايەلدىك جۇمىستارىنا» ارالاسپاعانى دۇرىس. سوندا عانا ول ەرەكە بولىپ قالادى.  

دجوناتان يۆ بالا تۋۋ پروسەسىنە قاتىسقان ەركەكتەردىڭ 10 پايىزى سوزىلمالى پسيحولوگيالىق دەپرەسسياعا ۇشىرايتىنىن انىقتاپتى. ارنايى زەرتتەۋ كەزىندە بوسانۋ پروسەسىن كورگەن ەركەكتەردىڭ دەرتكە شالدىققانى دا انىقتالعان.

اكۋشەر-گينەكولوگتاردىڭ ايتۋىنشا، ەڭ مىقتى دەگەن ەركەكتەردىڭ ءوزى ايەلىنىڭ بوسانعانىن كورەمىن دەپ، سول جەردە تالىپ قالعان. 

سونداي-اق، كۇيەۋى ايەلىنىڭ قالاي بوسانعانىن كورگەن سوڭ ەرلى-زايىپتىلاردىڭ بىر-بىرىنە دەگەن سىيلاستىعى تومەندەپ، ءتىپتى اجىراسۋ جاعدايلارى ورىن الاتىنىن زەرتتەۋشىلەر جازىپ ءجۇر.

سوندىقتان الەمدەگى ەڭ سۇيىكتى ايەلىڭىز كوپتەن كۇتكەن مۇراگەرىڭىزدى دۇنيەگە اكەلىپ جاتسا دا بوسانۋ پروسەسىنە قاتىسار بۇرىن ويلانىڭىز.

ازىرلەگەن: دانا قامشىبەك