الماتىدا قازاق پوەزياسىنىڭ كورنەكتى ەپيك اقىنى، مەملەكەتتىك سىيلىقتىڭ يەگەرى، قازاقستاننىڭ حالىق جازۋشىسى حاميت ەرعالييەۆتىڭ تۋعانىنا 100 جىل تولۋىنا وراي سالتاناتتى كەش ءوتتى.

الماتى قالاسى اكىمدىگىنىڭ ۇيىمداستىرۋىمەن وتكىزىلگەن سالتاناتتى كەشكە قالا اكىمدىگىنىڭ وكىلدەرى، قازاقستان جازۋشىلار وداعىنىڭ ءتوراعاسى نۇرلان ورازالين، اقىننىڭ ۇلى مۇرات ەرعالييەۆ تاعى باسقا زيالى قاۋىم وكىلدەرى مەن قالامگەرلەر قاتىسادى. بەلگىلى اقىن ۇلىقبەك ەسداۋلەت مەرەيتوي يەسىنىڭ بار بولمىسىن اشىپ بەرەتىن بايانداما جاسادى. اقىن ارنايى داستان ارناعان قۇرمانعازىاتىنداعى وركەستر قۇرمانعازى كۇيلەرىن كۇمبىرلەتسە، رامازان ستامعازييەۆ، نۇرجان جانپەيىسوۆ، جانارگۇل ساركەنوۆا، فارحات كۋبەيەۆ، قايىرجان بەردىبايەۆ سىندى انشىلەر ءار الۋان تاقىرىپتاعى اندەردى شىرقادى. سونىمەن بىرگە اقىن ءومىرى تۋرالى دەرەكتى فيلم كورسەتىلىپ، ولەڭدەرى وقىلدى. عاسىرلىق تويى ارقىلى كورنەكتى قالامگەردىڭ رۋحىنا تاعزىم جاسالىپ، ەلگە ەتكەن ەڭبەكتەرى تاعى ءبىر ءسات جۇرت جادىندا جاڭعىردى.

حاميت ەرعالي (14.10.1916-13.12.1997) گۋريەۆ وبلىسىنىڭ  نوۆوبوگات  اۋىلىندا (قازىرگىاتىراۋ وبلىسى، يساتاي اۋدانى،  حاميت ەرعالي اتىنداعى اۋىل) دۇنيەگە كەلگەن. 1939 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە قابىلداندى. 1940-45 جىلدارى سوۆەت ارمياسىنىڭ قاتارىندا، ۇلى وتان سوعىسىنىڭ مايداندارىندا بولدى.1945-50 جىلدارى رەسپۋبليكالىق «سوسياليستىك قازاقستان» (قازىرگى «ەگەمەن قازاقستان») گازەتىندە ءتىلشى، 1959 جىلعا دەيىن قازاقستان جازۋشىلار وداعىنىڭ پوەزيا سەكسياسىنىڭ، قازاقتىڭ مەملەكەتتىك كوركەم ادەبيەت باسپاسى ءبولىمىنىڭ مەڭگەرۋشىسى قىزمەتىن اتقارعان.1959 جىلدان ءومىرىنىڭ اقىرىنا دەيىن ءبىرىڭعاي شىعارماشىلىق جۇمىسپەن اينالىسقان.«اكە سىرى»، «ۇلكەن جولدىڭ ۇستىندە»، «ءبىزدىڭ اۋىلدىڭ قىزى»، «قۇرمانعازى»، «كۇي داستان»، «ورالداعى وتتى ءتۇن»، «اڭىز اتا»،«قىز-حيسسا»،«جىلدار، جىلدار»، «سۋىت ءجۇرىس»، ت.ب. داستاندارى بار.اۋدارماشى رەتىندە پۋشكين مەن لەرمونتوۆتىڭ، شەكسپير مەن بايروننىڭ، سوفوكل،ناۋاي، ش.پەتەفي، ماياكوۆسكيي، ر.گامزاتوۆ تۋىندىلارىن قازاق وقىرماندارىناجەتكىزدى.قىرعىزدىڭ «ماناس»، قاراقالپاقتىڭ «قىرىق قىز» اتتى حالىقتىق جىرلارىنقازاقشالادى.ۆ.شەكسپيردىڭ سوننەتتەرىن اۋدارعانى ءۇشىن ول 1996 جىلىبريتانيا كوروليەۆاسىنىڭ العىس حاتىنا يە بولعان.

ازامات الاشتەگى