27 قاراشا كۇنى ساعات 17:00-دە  «دوم Q»  تەاترىندا «پوليفونيا» فەستيۆالىنىڭ شىعارماشىلىق كەزدەسۋلەرى اياسىندا جانە «وتانداسىڭدى وقى» جوباسىنىڭ شەڭبەرىندە اقىن، پروزاشى ءھام ادەبي سىنشى ارداق نۇرعازىۇلىمەن شىعارماشىلىق كەزدەسۋ وتەدى.

كەزدەسۋدە ارداق نۇرعازى ۇلى ءوز شىعارماشىلىعىمەن قاتار قازاقستاندىق قالىڭ وقىرمانعا ءمالىم ەمەس قىتايداعى قازاقتاردىڭ قازىرگى زامانعى پوەزياسى مەن پروزاسىن ەل نازارىنا ۇسىنادى.

ارداق نۇرعازى ۇلى – اقىن، پروزاشى ءھام سىنشى. 1972 جىلى قحر-دىڭ ەرەنقابىرعا وبلىسىندا دۇنيەگە كەلگەن. 1995 جىلى جوعارى وقۋ ورنىن ءتامامداعان. 1991 جىلدان باستاپ شىعارمالارى جارىق كورىپ كەلەدى. 2006 – 2008 جىلدارى «شەتەل ادەبيەتى» گازەتىنىڭ باس رەداكتورى بولعان. «جالعان بوستاندىق كىتابى» (2009 ج.)، «اراقۇس» (2012 ج. قازاق-قىتاي تىلىندە)، «دالدىك ءھام تۇنىقتىق» (2014 ج. اعىلشىن-قىتاي-قازاق تىلىندە)، «تاس باسپالداقتى كوشە» (2014 ج.)، «A Garden of Trees and Other Poems» (2016 ج.)  ولەڭ جيناقتارىنىڭ، «قازاقتىڭ مودەرنيستىك پوەزياسى» (2010 ج.) سىن ەڭبەگىنىڭ، «سىزىقتار مەن نۇكتەلەر» (2010 ج.) اڭگىمە جيناعىنىڭ اۆتورى. ولەڭدەرى اعىلشىن، جۇڭگو جانە ورىس تىلىندە جارىق كورگەن.

شىعارماشىلىق كەش قازاق، ورىس، اعىلشىن تىلدەرىندە وتەدى (قازاق، اعىلشىن تىلىندەگى ولەڭدەرگە مەن قىسقا اڭگىمەلەرگە ەكراندا ورىس تىلىنە اۋدارماسى قوسا بەرىلەدى).

شىعارماشىلىق كەش  "دوم Q" تەاترىندا وتەدى. مەكەن-جايى: فۋرمانوۆ كوشەسى، 119 ءۇي.