وڭتۇستىك قازاقستان وبلىسى وتىرار اۋدانى اققۇم اۋىلىنىڭ تۇرعىندارى جاپپاي  «لەيشمانيوز» اۋرۋىنا  شالدىقتى. حالىقارالىق دەنساۋلىق ساقتاۋ ۇيىمىنىڭ مالىمەتىنشە اتالمىش ىندەت 88 ەلدە كەزدەسەدى. ونىڭ 72 دامىپ كەلە جاتقان ەلدەر بولسا، 13 ەڭ كەدەي مەملەكەتتەردە كەزدەسەدى.  

ونىڭ 17 ءتۇرى بار.  جارانىڭ دەنەدەن كەتۋى ءۇشىن 7 ايعا دەيىن ۋاقىت قاجەت. ءبىراق، جارا ورنىندا تىرتىق قالادى.

بۇل ىندەتپەن اققۇم اۋىلىنىڭ تۇرعىندارى بىرنەشە جىل بويى كۇرەسىپ كەلەدى. ەڭكەيگەن قاريادان، ەڭبەكتەگەن بالاعا دەيىن لەيشمانيوز اۋرۋىنا شالدىعادى ەكەن. اققۇم اۋىلىندا اتالمىش اۋرۋ العاش رەت 1980 جىلى تىركەلگەن. سول جىلى زالالسىزداندىرۋ جۇمىستارى جۇرگىزىلىپ، اۋرۋ ساپ تيىلعان. الايدا، 1996 جىلى لەيشمانيوز قايتا پايدا بولعان. ءقازىر اۋىل تۇرعىندارى ىندەتپەن قالاي كۇرەسۋ كەرەك ەكەنىن بىلمەيدى. «دارىگەرلەردىڭ جازىپ بەرگەن دارىلەرى كومەكتەسپەيدى» دەيدى ولار.

وتىرار اۋدانىنىڭ سانيتارلى ەپيديميولوگيالىق قىزمەتى اۋرۋدىڭ شىققان وشاعىن انىقتاپ، قاجەتتى شارالار قولداناتىنىن ايتادى.