رەسەي مەن قازاقستان اراسىنداعى ينتەگراسيالىق ۇدەرىستەردىڭ بەرىكتىلىگى سىنالىپ جاتىر»
ەاەو سامميتىنە بىرەر اپتا بۇرىن باسپاسوزدە قازاقستاندىق شەنەۋنىكتەر مەن ءىرى كاسىپكەرلەرگە اقپاراتتىق جويقىن شابۋىل جاسالدى.
«ەۋرازيالىق ەكونوميكالىق وداقتىڭ ءسامميتى مەن سانكت-پەتەربۋرگتەگى ۇجىمدىق قاۋىپسىزدىك تۋرالى شارت ۇيىمى (ۇقشۇ) تۇرعىسىنان الىپ قاراعاندا رەسەي مەن قازاقستاندى قانداي ستراتەگيالىق ماڭىزدى قارىم-قاتىناستار بايلانىستىراتىن ايقىن بىلۋگە بولادى» – دەپ مالىمدەدى ساياساتتانۋشى سەرگەي ميحايلوۆ. ساراپشىنىڭ پىكىرىنشە، بۇنى نازاربايەۆتىڭ پيتەرلىك ءسامميتتىڭ باستالۋىنا ءبىر كۇن قالعاندا كەلگەنى دە ايتادى. جەكسەنبى كۇنى ۆلاديمير پۋتين مەن نۇرسۇلتان نازاربايەۆ زاماناۋي يننوۆاسيالىق تەحنولوگيالاردىڭ دامۋىنا ۇلەس قوسىپ كەلە جاتقان كاسىپورىنداردىڭ ءبىرقاتارىن ارالاپ شىقتى.
«ەكى ەل اراسىنداعى ەكونوميكالىق جانە ساياسي قارىم-قاتىناس جاڭا دەڭگەيگە شىقتى، ينتەگراسيالىق ۇدەرىستەر كۇشەيىپ كەلەدى، – دەپ جاعدايعا پىكىر ءبىلدىردى ميحايلوۆ. – ءبىراق، ينتەگراسيالىق ۇدەرىستەردىڭ پوستكەڭەستىك كەڭىستىكتە كۇشەيتىلۋى باتىستا قارسىلىق ءبىلدىرۋ ارەكەتىن جاساۋعا تىرىساتىن كۇشتەردىڭ قارسى رەاكسياسىن تۋدىرادى. بۇل جولى سامميتكە بىرەر اپتا قالعانعا دەيىن باسپاسوزدە قازاقستاندىق شەنەۋنىكتەر مەن ءىرى كاسىپكەرلەردىڭ قاتارىنا اقپاراتتىق جويقىن شابۋىل ۇيىمداستىرىلدى.
باقىلاۋشىلار باق-تاعى بۇل كومپروماتتى قازاقستاندىق بانكير مۇحتار ءابىلازوۆتىڭ فرانسيادا تۇرمەدەن بوساتىلۋىمەن بايلانىستىرادى. فرانسيانىڭ قوعامدىق كەڭەسى رەسەيلىك باس پروكۋروردىڭ وليگارحتى ەكستراديسيالاۋ جايلى ءوتىنىشىن قابىلدامادى. قازاقستاندا ساياسي شيەلەنىس تۋعىزىپ، رەسپۋبليكادا جاعدايدى تۇراقسىز ەتۋ ءۇشىن ءقازىر باتىستىق باسپا ءسوز ءابىلازوۆتان كەزەكتى ساياسي «ديسسيدەنت» جاساپ وتىر،» – دەدى ساياساتتانۋشى.
ساراپشىنىڭ پىكىرىنشە، قازاقستاندىق شەنەۋنىكتەر مەن كاسىپكەرلەرگە قارسى «كومپرومات» بەيبەرەكەت جاسالعانى تاڭ قالدىرادى. دالەل رەتىندە اتاقتى بانكير كەڭەس راقىشيەۆتىڭ حاتى ينتەرنەت بەتىندە تاراپ كەتۋى بۇرمالانۋعا ۇشىراعانىن ايتۋعا بولادى جانە فوتوشوپ مەن تىركەلمەگەن پوشتا ادرەسىن بايقاۋ ءۇشىن مامان بولۋدىڭ قاجەتى جوق.
«ءوزى تۇرعان ەلدى قارالاۋ ماقساتىندا ۇيىمداستىرىلعان مۇحتار ءابىلازوۆتىڭ ءىسى باتىستىق قورعاۋشىلاردىڭ الدىندا ءوز بەدەلىن قايتارىپ، وزىنە قىلمىستىق قۋعىنداۋدى توقتاتۋ ءۇشىن قازاقستاندىق باسشىلىقتى وسىلايشا باسقىسى كەلەدى»، – دەپ ەسەپتەيدى ساياساتتانۋشى.
ساياساتتانۋشىنىڭ پىكىرىنشە، ءدال ءقازىر رەسەي مەن قازاقستان اراسىنداعى ينتەگراسيالىق ۇدەرىستەردىڭ بەرىكتىلىگى سىنالىپ جاتىر: «ستراتەگيالىق قارسىلاستاردىڭ ارانداتۋ پيعىلى ىسكە اسىپ كەتپەۋ ءۇشىن ءبىزدىڭ قوعام، ساياسي قىزمەتكەرلەر بۇل تاقىرىپقا اسا زور ىجداھاتتىلىقپەن قاراۋ كەرەك».
