بۇگىن استانادا، ماجىلىستە دەپۋتات ەتيكاسى بويىنشا كەڭەس ءوتتى. كەڭەستە مۇحتار تىنىكەيەۆ بۇدان بۇرىن عالامتوردا تارالعان، قوعام تاراپىنان نارازىلىق تۋدىرعان ۆيدەوعا قاتىستى تۇسىنىكتەمە جاسادى. ول بارشا قازاقستاندىقتاردان كەشىرىم سۇراپ، دەپۋتاتتىقتان باس تارتاتىنىن ايتتى. كەڭەستە  م.تىنىكەيەۆتىڭ مالىمدەمەسى قارالىپ، بارلىق جاعدايدى ەسكەرە وتىرىپ ونىڭ شەشىمىمەن  كەلىستى.

ەستەرىڭىز سالا كەتەيىك، بۇدان بۇرىن «قامشى» پورتالى تىنىكەيەۆتىڭ شۋلى بەينەجازباسى تۋرالى جازعان بولاتىن. ەكس-دەپۋتات «بۇل ەسكى ۆيدەو. ەكى جىل بۇرىن بولعان. بۇل ءازىل» دەپ ايتىپ، ارتىنشا وتىرىگى اشىلىپ قالعان ەدى.  

بىرنەشە مارتە شاقىرىلىمنىڭ دەپۋتاتى بولعان تىنىكەيەۆ نەسىمەن ەستە قالدى؟

مۇحتار تىنىكەيەۆ 2008 جىلى نۇرسۇلتان نازاربايەۆتىڭ تۋعان كۇنى قارساڭىندا استانا قالاسىنىڭ اتاۋىن «نۇرسۇلتان» دەپ وزگەرتۋ جونىندە دەپۋتات ءسات توقپاقبايەۆتىڭ باستاماسىن قىزۋ قولداپ، قازاقستان پرەزيدەنتىن سانكت-پەتەربۋرگ قالاسىن سالعان ءبىرىنشى پەتر پاتشاعا تەڭەگەن.