قازاق ءتىلدى ينتەرنەت بەتتەرىن «Qazaq Times» اتتى سايت تولىقتىردى دەپ حابارلايدى «قامشى» پورتالى.
بۇل تۋرالى اقىن مۇرات الماسبەك ۇلى ءوزىنىڭ Facebook-تەگى پاراقشاسىندا حابارلادى. جاڭا اشىلىپ جاتقان اقپاراتتىق سايتقا شەف-رەداكتورلىق ەتەتىن مۇرات الماسبەك ۇلى:
«ال، قۇرمەتتى دوس-جاران. ءسۇيىنشى جانە كورىمدىك) جايلاپ ءبىر جاڭا سايت باستادىق. وقىپ، بايقاپ كورىپ، باعا بەرىپ، اقىل-كەڭەس، سىن-پىكىرلەرىڭىزدى ايتا وتىرىڭىزدار!»، - دەپ سۇيىنشىلەدى وقىرماندارىنا.
«ەڭ باستىسى، سان ءتۇرلى اقپارات اعىنىنىڭ اراسىنان اسىلىن ەكشەپ، جاسىعىن تەكتەپ وتىرساق دەگەن تاۋداي تالابىمىز بار. سول ارقىلى ينتەرنەت كەڭىستىگىندەگى قازاق ءتىلدى كونتەنتتىڭ باي مازۇندى، بايسال ويلى، ساليحالى دا سالماقتى، ساۋاتتى دەڭگەيگە كوتەرىلۋىنە تامشىداي بولسا دا ۇلەس قوسساق دەگەن قۇلشىنىسىمىز بار. سول قۇلشىنىسىمىزدى قۋاتتى ىسكە اينالدىرۋعا، قۇرمەتتى وقىرمان سىزدەردىڭ دە ۇلكەن قولداۋلارىڭىز كەرەك! ءسىز بولىپ، ءبىز بولىپ، قازاق ءسوزىنىڭ، قازاق ويىنىڭ، قازاق مۇددەسىنىڭ بيىكتەي بەرۋىنە قىزمەت ەتەيىك!» دەپ جازىلعان سايت مازمۇنداماسىندا.
«قامشى» پورتالى «Qazaq Times» سايتىنا شىعارماشىلىق تابىس تىلەيدى!
