فيليپپين پرەزيدەنتى رودريگو دۋتەرتە جەمكور شەنەۋنىكتەردى قاتاڭ جازالايتىنىن ايتىپ، تاعى دا داۋلى مالىمدەمە جاسادى. ول مالىمدەمەسىندە ولاردى تىكۇشاقتان قۇلاتاتىنىن جەتكىزگەن. وعان قوسا، مۇنداي ارەكەتكە بۇرىن دا بارعانىن ايتتى، دەپ حابارلادى  Philippine Star.

«ەگەر ءسىزدىڭ سىبايلاس جەمقورلىققا قاتىسىڭىز بولسا، وندا مەن ءسىزدى تىكۇشاققا وتىرعىزىپ، مانيلانىڭ جولىندا ءسىزدى لاقتىرىپ جىبەرەمىن»، – دەدى وڭتۇستىك كامارينەس ولكەسىندەگى ەل الدىنداعى سوزىندە.

مەملەكەت باسشىسى وسى ايدا قىلمىسقا قاتىسى بار ادامداردى دا جەكە ءوزى ولتىرگەنىن مويىندادى. وسىلايشا پوليسياعا قىلمىسكەرلەرمەن قالاي كۇرەسۋ كەرەكتىگىن كورسەتتى.

اكىمدىك قىزمەتپەن رودريگو دۋتەرتە 20 جىل بويى اينالىسىپ كەلدى. وسى جىلى جازدا ول ءفيليپپيننىڭ پرەزيدەنتى بولىپ سايلاندى. بيلىككە كەلىسىمەن، دۋتەرتە ەسىرتكىگە قارسى كۇرەس جۇرگىزدى. ءىس بارىسىندا 5000-عا جۋىق ادام ولتىرىلگەن، ودان بولەك  ءۇش مىڭعا جۋىق ادام بەلگىسىز سەبەپتەرمەن ءولتىرىلدى. سىنشىلار دۋتەرتە ۋكىمەتىن سوتسىز، تەرگەۋسىز ولتىرۋگە جۇگىنەدى دەپ ايىپتاپ وتىر.

دۋتەرتەنىڭ داۋلى مالىمدەمەسىنەن كەيىن ەلدە وپپوزيسيا مەن قۇقىق قورعاۋشىلاردى پرەزيدەنتتى ۋاكىلدىگىنەن ايىرۋ ماقساتىندا پارلامەنت سوتىنا تارتۋعا شاقىرىپ جاتىر.

بۇۇ ادام قۇقىقتارى جونىندەگى جوعارعى كوميسسارى زەيد رااد ال-حۋسەين دۋتەرتەنىڭ مالىمدەمەسىنە بايلانىستى رەسمي تەرگەۋ جۇمىستارىن باستايتىنىن ايتتى.

سونىمەن بىرگە فيليپپيندىك Social Weather Stations ستاتيستيكالىق اگەنتتىكتىگىنىڭ مالىمەتىنە سۇيەنىپ، ب ا ق وكىلدەرى   دۋتەرتەنىڭ فيليپپيندە جاقتاۋشىلارىنىڭ كورسەتكىشى جوعارى ەكەنىن ايتادى. مەملەكەت باسشىسىنىڭ قىزمەتىمەن سۇرالۋشىلاردىڭ 63%-ى قاناعاتتاناتىنىن جەتكىزگەن. ودان بولەك دۋتەرتە 2016 جىلعى ەڭ ىقپالدى ادامداردىڭ كوشىن باستاپ،  امەريكالىق Forbes جۋرنالىنىڭ تىزىمىنە ەندى. تىزىمدە 74 ادامنان 70-ورىندى يەلەندى.