جىلدىڭ باسىنان سقو دۆد كوشى-قون پوليسيا باسقارماسىندا 531 ادام ەكى ەلدىڭ ازاماتتىعىمەن جۇرگەنى انىقتالدى. اتالمىش ازاماتتار رەسەي فەدەراسياسىنىڭ ازاماتتىعىن العاننان سوڭ، قازاقستان رەسپۋبليكاسىنىڭ ازاماتتىعىن دالەلدەيتىن ءتولقۇجات پەن جەكە كۋالىكتەرىن وتكىزبەگەن. بۇل جايىندا سقو-نىڭ دۆد باسپا قىزمەتىنىڭ باسشىسى مادينا بالگاشۋكوۆا مالىمدەدى دەپ حابارلايدى liter.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ەكى ەل ازاماتتىعىمەن جۇرگەن ادامداردىڭ ايلاسى اشىلىپ قالعان سوڭ، سقو تۇرعىندارىنىڭ رەسەي فەدەراسياسىنىڭ ازاماتتىعىن العان كۇنىن انىقتاپ، كوشى-قون پوليسەي قزمەتكەرلەرى تىركەپ قويعان.

رەسەي ازاماتى اتانىپ الىپ قازاقستان ازاماتتىعىن پايدالانىپ جۇرگەندەرگە قاتىستى ق ر كودەكسىنىڭ 496 بابى بويىنشا 80 ادام جاۋاپقا تارتىلدى. بەلگىلى ءبىر جاردەماقى الۋ ماقساتىندا قازاقستان ازاماتتىعىن قولدانباعان 451 ادامدى اكىمشىلىك جاۋاپقا تارتپاي، قۇجاتتارىن الىپ قويۋمەن شەكتەلگەن.  سونىمەن قاتار، مۇنداي زاڭ بۇزۋشىلىققا تولەنەتىن ايىپپۇل كولەمى 100 اەك، سولتۇستىكتىڭ تۇرعىندارى ءۇشىن بۇل سومما ەڭ تومەنگى جالاقىمەن بىردەي.

مادينا بالگاشۋكوۆانىڭ ايتۋىنشا، ەكى ەل ازاماتتىعىمەن جۇرگەن ادامداردىڭ اراسىندا ءتۇرلى ۇيىمدار مەن مەكەمەلەردىڭ باسشىلارى، سونىمەن قاتار ءبىر مەملەكەت قىزمەتكەرى بار ەكەن. ول قىزمەتىنەن قۋىلىپ، 300 اەك كولەمىندە ايىپپۇل تولەگەن.