بۇگىن تاڭ ەرتەڭ ءازىربايجان مەن ارمەنيا اراسىندا قاقتىعىس بولدى. مۇنداي اقپاراتتى رەسپۋبليكانىڭ قورعانىس ءمينيسترىنىڭ ءباسپاساوز حاتشىسى ارسۋن وۆاننيسيان ءوزىنىڭ «Facebook» پاراقشاسىندا جازدى.

ونىڭ سوزىنشە ءازىربايجاندىق اسكەر چيناري اۋىلىنا جاقىن ماڭدا ورنالاسقان ارمەنيانىڭ شەكاراسىنا جاقىن جەردە ديۆەرسيا جاساۋعا تالپىنعان. شابۋىلعا تويتارىس بەرىلدى. الايدا ءالى دە اتىس ءجۇرىپ جاتىر.  وۆاننيسيان ورىن العان جاعداي ارميانىڭ تولىق باقىلاۋىندا ەكەنىن ايتتى.

«سوعىستىڭ قايتا باستالۋى ۇلكەن قاۋىپكە الىپ كەلەدى»

ارمەنيانىڭ قوعانىس ءمينيسترى ماسكەۋمەن جانە ناتو مەن سەرىكتەستىگى تۋرالى ايتىپ بەردى. باكۋ وتتى توقتاتۋ رەجيمىن 39 جاعدايدا بۇزدى دەپ ەريەۆاندى ايىپتادى. ءازىربايجاننىڭ قورعانىس ءمينيسترى، اتىس ارمەنيا شەكاراسىندا جانە «وككۋپاسيالانعان» جەرلەردە بولعانىن حابارلادى.

ارمەنيا مەن ءازىربايجان اراسىنداعى تەكەتىرەس تاۋلى كاراباقتا جالعاسىپ جاتىر. 2016 جىلدىڭ ءساۋىر ايىنىڭ باسىندا ەكى جاقتى كەلىسىم بۇزىلعان ەدى. ۇرىس وڭتۇستىك، وڭتۇستىك-شىعىس جانە سولتۇستىك-شىعىستا بولدى. شايقاستى توقتاتۋ كەلىسىمى بىرنەشە كۇننەن كەيىن قايتا كۇشىنە ەنگەن. ودان كەيىن ەكى جاق كەلىسىمدى بۇزدى دەپ ءبىر-بىرىن ايىپتاي باستادى.

تاۋلى قاراباقتا ەتنيكالىق ارمياندار تۇرادى. ولار 1991 جىلى ءازىربايجاننان ءبولىنىپ، ءوزىن تاۋەلسىز ەل دەپ اتاعان. باكۋ كۇش قۇرىلىمدارى ارقىلى اتالمىش ايماقتى قايتارۋعا تالپىندى. الايدا وپەراسياسى ءساتسىز اياقتالعان ەدى. 1994 جىلى ءازىربايجان، ارمەنيا جانە ەشكىم تاۋەلسىز ەل دەپ تانىماعان حقر كەلىسىمگە كەلۋ تۋرالى پروتوكولعا قول قويدى.