يراك كۇشتەرى موسۋلدەگى «يسلام مەملەكەتىنە» شابۋىل جاساي باستادى دەپ حابارلايدى bbc.com. ولاردى شىعىس ايماققا شەگىنۋگە ءماجبۇر ەتتى. بۇل قازان ايىندا باستالعان ۇرىستاعى ەكىنشى شابۋىل.

يراك كۇشى ءۇش سالادا جەتىستىككە جەتىپ، قالادا جاڭا ەكى مايدان شەبىن اشا الدى.

سوڭعى شابۋىلدار «يسلام مەملەكەتى» سودىرلارىنىڭ بىرىگۋىنە كەدەرگى كەلتىردى.

شابۋىل كەزىندە بەيبىت تۇرعىندار مەرت بولۋى مۇمكىن ەدى. اۋرۋحانانىڭ كولىك تۇراعىن اۋەدەن شابۋىل جاسالعان. 

بۇل اتىس سوڭعى بىرنەشە اپتادا ورناعان تىنىشتىقتى بۇزعان ەدى. موسۋلدىڭ شىعىس بولىگىندەگى سپەسناز كومانديرى، گەنەرال-لەيتەنانت ابدۋل-ۆاحاب ال-ساادي اسكەر قاتارى تاعى بىرنەشە اداممەن تولىققاننان كەيىن عانا شابۋىل جاسالعانىن حابارلادى. تيگردەگى كوپىر دۇيسەنبى كۇنى اۋە شابۋىلىنان كەيىن ىستەن شىققان. موسۋلدە 5 كوپىر بولعان. بۇۇ كوپىرلەردى قيراتۋ بەيبىت تۇرعىنداردى ءقاۋىپسىز جەرگە كوشىرۋدى قيىنداتۋ مۇمكىن ەكەنىن بۇعان دەيىن ەسكەرتكەن.

موسۋلدى «يسلام مەملەكەتىنەن» ازات ەتۋ ءۇشىن   شابۋىل 17 قازاندا باستالدى. دجيحادشىلارشىلاردىڭ  قورشاۋىندا بولعان قالانى  2 جىل وتكەننەن كەيىن يم سودىرلارى باسىپ الدى. يراكتىڭ سولتۇستىك جانە باتىس ايماعىن جاۋلاپ الۋ وپەراسياسى موسۋلدان باستالعان ەدى. يراك اسكەرى يم سودىرلارىنا قارسى تولاسسىز شابۋىل جاساعاننان كەيىن  باسىپ الۋ پروسەسى تەجەۋىلدەدى. وعان يراكتىڭ قاۋىپسىزدىك كۇشتەرى، كۇردتىڭ «پەشمەرگا» قارۋ كۇشى، اراب سۋننيت تايپالارى جانە ءشيىت جاساقتارى قاتىستى.  موسۋلدىڭ 100 مىڭنان استام تۇرعىنى ءوز ءۇيىن تاستاپ كەتۋگە ءماجبۇر بولعان. بۇل كورسەتكىش ءوسۋى ابدەن مۇمكىن.