قىتايدىڭ سىچۋان ولكەسىندەگى ۇلكەن پاندالاردى زەرتتەپ، قورعايتىن ورتالىقتىڭ قىزمەتكەرىنە پاندا شابۋىل جاساعان دەپ حابارلايدى ria.ru. 
وقيعا 17 جەلتوقساندا تيانتاي تاۋلارىنداعى پاندالارعا ارنالعان جاتتىقتىرۋ زالىندا بولدى.  وندا ايۋلاردى ەركىندىككە جىبەرمەس بۇرىن سوعان ارنايى دايىندايدى. الايدا بولعان ءجايت تۋرالى ەندى عانا بەلگىلى بولدى. 
ورتالىقتىڭ 41 جاسار قىزمەتكەرى 16 جاستاعى سيمەي اتتى ۇرعاشى پاندامەن ءبىر ۆولەردە بولعان. كەنەتتەن جانۋار ادامعا شابۋىل جاسادى. ونى تىستەپ، جەرمەن سۇيرەپ الا جۇگىرگەن. توتەنشە جاعداي جاتتىقتىرۋ باعدارلاماسىنىڭ اياسىندا پاندا بالاسىن ىزدەپ جۇرگەن كەزدە بولعان. 
ءقازىر ەر ادام اۋرۋحانادا جاتىر. ونىڭ جاعدايى تۇراقتى. پاندانىڭ شابۋىلى سالدارىنان ەكى بىلەگى سىنعان، اياعىنداعى ءسىڭىرى ءۇزىلىپ، دەنەسىنە ءتۇرلى جاراقات تۇسكەن. 
«مەن پاندانىڭ قارنى اش بولدى ما الدە مەنىمەن وسىلايشا وينادى ما؟ بىلمەيمىن...» دەيدى ورتالىق قىزمەتكەرى. 
«مەن ونى كەشىردىم. مەن بۇل سالانىڭ مامانىمىن. سوندىقتان جانۋارلاردىڭ قانداي ارەكەتكە باراتىنىن جاقسى بىلەمىن» دەيدى ول. 
بۇدان بۇرىن قىتايدىڭ حالىقارالىق راديوسىندا، بيلىك پاندالاردىڭ  سانىن 2025 جىلعا قاراي 18% ءوسىرۋدى جوسپارلاپ وتىرعانىن ايتقان. ءقازىر جۇڭگو ورماندارىندا 1864 پاندا بار. 422 جانۋار ارنايى ۇرىقتاندىراتىن ورتالىقتا ۇستالادى. 
ۇلكەن پاندا جويىلىپ بارا جاتقان جانۋار تۇرىنە جاتقاندىقتان، جۇڭگو ونى ءوز قورعانىسىنا العان. ايۋلاردى ءتۇرلى ەلدەرگە جىبەرۋ داستۇرگە اينالعانداي. ونى ءجيى «پاندالار ديپلوماتيسيا» دەپ اتاپ كەتتى.