تانىمال امەريكالىق ءانشى دجانەت دجەكسون 50 جاسىندا العاشقى شاقالاعىن دۇنيەگە اكەلدى، دەپ حابارلايدى inform.kz
People جۋرنالى جازۋىنشا، قازان ايىندا دجەكسون جۇكتى ەكەندىگىن راستاعان. ول كەزدە باسىلىم اياعى اۋىر ءانشىنىڭ تۇگەل اق كيىمگە كيىنگەن سۋرەتىن ورنالاستىرعان بولاتىن.
پوپ-مۋزىكا كورولى مايكل دجەكسوننىڭ كىشى قارىنداسى وتباسىن جوسپارلاۋعا دەن قويۋ ءۇشىن الەمدىك تۋرنەدەن باس تارتاتىنىن ءساۋىر ايىندا-اق مالىمدەگەن بولاتىن.
ول 2012 جىلدىڭ جەلتوقسانىندا كاتار ميللياردەرى ۆيسسام ال-مانمەن جاسىرىن تۇردە نەكەلەسكەنى حابارلانعان بولاتىن.
دجانەت دجەكسون ساحناعا 7 جاسىنان شىعا باستادى. 1976 جىلى The Jacksons سەريالىنا ءتۇستى. 16 جاسىندا دجەكسون A&M رەكورد-لەيبلىمەن كەلىسىمشارتقا قول قويدى، كوپ ۇزاماي ونىڭ العاشقى البومى جارىققا شىقتى. Billboard جۋرنالىنىڭ مالىمەتىنشە، ءانشى پوپ-مۋزىكا تاريحىنداعى ساتىلىمى ەڭ جوعارى ورىنداۋشىلاردىڭ تىزىمىنە ەنەدى.
