جاڭا جىل ءتۇنى قارساڭىندا تۇركيانىڭ ستامبۋل قالاسى، رەينا تۇنگى كلۋبىندا لاڭكەستىك وقيعا ورىن الىپ، 39 ادام كوز جۇمعان بولاتىن.  اسقان  قاتىگەزدىكپەن جاسالعان تەررورلىق اكتىنى دايش تەرروريستىك ۇيىمى ءوز موينىنا العان بولاتىن.  

تۇركياعا تانىمال سانگەر ديدەم سويدان ءوزىنىڭ ينستاگرام پاراقشاسىندا اتالمىش وقيعاعا بايلانىستى پىكىرىن ءبىلدىردى.  https://www.instagram.com/p/BOtBeQEA6ao/؟taken-by=didemsoydan ديدەمنىڭ پىكىرى جۇرتشىلىقتىڭ نازارىن اۋدارىپ، كوپشىلىكتىڭ قولداۋىنا يە بولدى.  تۇركيادا الەۋمەتتىك جەلىدەگى جازبالار قاتاڭ باقىلاۋدا تۇرعانىن بايقاۋعا دا بولادى.

ديدەم سويدان: «بۇل سوزدەردى قولداعانداردىڭ ىشىندە ەڭ ءبىرىنشى بولىپ ايلىعىن ءبىز بەرگەن ساياساتكەرلەر جاۋاپتى. بيلىكتە انام بولسا، ول دا جاۋاپتى. بۇل وقيعاعا بارلىق ساياساتكەرلەر جاۋاپتى. مەنىڭ ءقوزقاراسىم بويىنشا، ەشبىرىنىڭ باسقالاردان ايىرماسى جوق. نە دەگەن ۇرەي! ءبىر نارسە ايتا قالساق، «ءدىن دۇشپانى»، «دىنگە قارسى»، «بيلىككە قارسى»، ودان قالا بەردى، مەملەكەت دۇشپانى، وتان ساتقىنى بولىپ شىعا كەلەمىز. بۇل ەلدە كۇن سايىن پوليسيامىز، اسكەرىمىز، ازاماتتارىمىز ءولىپ جاتىر! بۇلاردى موينىنا يشيم الا ما الدە فەتوشىلارعا جاتقىزاسىز با، بىلمەيمىن. بىزگە نە دەسە دە مال سياقتى تىڭدايمىز، ودان سوڭ باق-قا تىيىم كەلەدى، ەستىپ ۇلگەرگەنى ەستيدى، ەستىمەگەندەرى مال سياقتى وتتاپ جۇرە بەرەدى. بۇل جاعدايعا كومەكتەسكەننىڭ بارلىعى ناعىز ارسىزداردىڭ ءدال ءوزى. قالاي ويلاساڭىز، سول!  بۇل سونداي اپ-ايقىن. سابىرعا شاقىرۋ، تاعىسىن تاعىلار، بۇنىڭ ماعىناسى قالدى دەيسىڭ بە؟! بارلىعى ناقاقتان-ناقاق وپات بولىپ جاتىر، كىمدى كىمنەن قالاي قورعايمىز؟ ءبىزدى كىم قورعايدى. نازار سال، «ءبىز» دەدىم، «سەن»، «مەن» دەپ ءبولىپ جاتقان جوقپىن. ءاربىر ءتۆيتىمىزدى، ءار بولىسكەنىمىزدى تىمىسكەلەپ، بلوك قويۋدى بىلەسىڭدەر، ەندى بۇل سوزدەردى قولداپ جاردەم بەرگەندەردى دە تىمىسكەلەپ تابىڭدار، كورەيىك».

 اينا دوسبول قىزى