شىمكەنتتە تۇراتىن كوپ بالالى انا بالالارىن كيىندىرۋ ءۇشىن نەسيە العان. بالالار ۇيىندە تاربيەلەنگەن 25 جاسار  جانەركە تەمىربايەۆا جۇمىسقا شىققىسى كەلگەن. سوندىقتان بالالارىنا كيىم-كەشەك الىپ، بالا كۇتۋشى جالداماق بولعان. سول ءۇشىن 400 مىڭ تەڭگە نەسيە الدى. الايدا جالداعان بالا كۇتۋشىسى ونى توناپ كەتكەن. سوندىقتان پايدالانىپ ۇلگەرمەگەن نەسيەسىن اي سايىن تولەۋگە ءماجبۇر.

جانەركە تەمىربايەۆا جاس بولسا دا كوپ بالالى انا. تامىز ايىندا جانەركە بالالارىن بالاباقشا مەن مەكتەپكە دايىنداپ، بالا كۇتۋشى جالداپ، جۇمىسقا شىعۋ ءۇشىن بانكتەن نەسيە العان. بالا كۇتۋشى رەتىندە 19 جاسار قىزدى جۇمىسقا الدى. بىرنەشە كۇننەن كەيىن ول 400 مىڭ تەڭگەنى الىپ قاشىپ كەتكەن. ۇرلانعان اقشانى ءالى كۇنگە دەيىن قايتارىپ الا الماي كەلەمىن دەيدى جاس انا.  

«مەن اۋداندىق ىشكى ىستەر بولىمىنە شاعىم ءتۇسىردىم. ءىستى باستاۋى ءۇشىن مەنى شاقىرىپ، قاعازدارعا قول قويعىزدى. بالا كۇتۋشى دە كەلدى. ۇرلاعان اقشانى قايتارۋعا ۋادە بەردى. ماعان بەرگەن بارلىق قاعازعا قول قويدىم. زاڭگەرلىك ىستە ەشتەڭە تۇسىنبەيمىن. ودان كەيىن پروكۋراتۋرادان حابارلاسىپ مەن ونى كەشىرگەنىم جونىندە قاعازدارعا قول قويعانىمدى ايتتى. تەكسەرىستەن كەيىن، ءىستى قايتا باستادى. الايدا  ەشقانداي ناتيجە جوق» دەيدى جانەركە.

كۇن سايىن بانكتەن جالعىز باستى اناعا حابارلاسىپ نەسيەنى تولەۋدى تالاپ ەتەدى. اي سايىن 70 مىڭ تەڭگە تولەپ تۇرۋ جانەركەگە وتە قيىن سوعۋدا. وسى ۋاقىت ارالىعىندا قارىزدار جينالىپ، مەملەكەتتىك باعدارلاما بويىنشا العان ءۇيدىڭ پاتەر اقىسى مەن كوممۋنالدىق قىزمەتكە تولەنەتىن اقشا دا كەلىپ قالدى. ىشىمدىككە جاقىن كۇيەۋى قيىندىققا شىداماي وتباسىن تاستاپ كەتىپ قالعان. بالالارعا بەرىلەتىن جاردەماقى 30 مىڭ تەڭگە جانە كۇيەۋى بالالارىنا اليمەنت رەتىندە 6 مىڭ تەڭگە بەرەدى. بارلىعى اۆتوماتتى تۇردە نەسيەنى جابۋعا كەتەدى. ەندى جانەركە بالالارىن تەك سۋ جانە نانمەن تاماقتاندىرىپ وتىر. ماي، قانت، ءتىپتى شايدىڭ ءوزىن تەك مەرەكە كۇندەرى عانا كورەدى. ۇيدە توڭازىتقىش تا جوق. بارلىق ازىق-تۇلىك وڭايشىلىقپەن كىشكەنتاي شكافقا سيىپ كەتەدى. وسى قيىنشىلىقتاردىڭ بارلىعىنان قاجىعان جانەركەگە وزىنە قول سالۋ تۋرالى دا ويلار كەلگەن. الايدا بالالارىن ويلاپ، ونداي قادامعا بارا الماعان.

«جارىق، گاز، سۋدى ءوشىرىپ، نانعا اقشا تابا الماي قالعان ۋاقىتتا وسى الەممەن بارلىق بايلانىستى ءۇزىپ، وزىمە قول سالعىم كەلدى. ءبىراق كەيىن ول ويىم ءۇشىن قاتتى ۇيالدىم. مەن بالالارىمدى تاماقتاندىرىپ، قولىمنان كەلگەنشە كيىندىرۋگە تىرىسىپ جاتىرمىن. ءبىر كۇنى بالام اۋىرىپ قالدى. ءدارى ساتىپ الۋ ءۇشىن كورشىگە ۇندى ساتۋعا تۋرا كەلدى. ەندى بالالارىم قايتا اۋىرىپ قالدى. ماعان كومەك قاجەت» دەپ كوزىنە جاس الدى جانەركە.

 25جاسار بالالار ءۇيىنىڭ تۇلەگى جانەركەنىن بەس بالاسىنا باسقا جاقىندارى دا، تۋىستارى دا جوق.  ەڭ كىشىسى 4 ايلىق. ال ۇلكەنى 7 جاستا، ەسىمى نۇريسلام. ول ءۇي شارۋاسىن جاساپ، مەكتەپكە بارعاندى جاقسى كورەدى. ءبىراق بالانىڭ قىسقى كيىمى بولماعاندىقتان، مەكتەپكە بارا الماي وتىر. الايدا نۇريسلامنىڭ ارمانى جىلى كيىمدەر ەمەس، ءپۋلتى بار كولىك.

«مەن ءۇي تاپسىرماسىن ورىنداپ بولعاننان كەيىن انام ونى تەكسەرەدى. مەن پۋلتپەن جۇمىس ىستەيتىن كولىكتى ارماندايمىن. مەن دە، دوستارىم دا ونىمەن ويناۋشى ەدىك» دەيدى نۇريسلام.

تاجىربيەسىزدىگى جانە سەنگىشتىگىنىڭ كەسىرىنەن الدانىپ، قيىن جاعدايعا تاپ بولعان شىمكەنتتە تۇراتىن كوپ بالالى انانى "قامشى" پورتالى ىزدەپ تاۋىپ، بايلانىسقا تۇسكەن بولاتىن. جانەركە داۋسى جارقىن، اقكوڭىل كەلىنشەك بولىپ شىقتى. 5 بالاسى جان-جاقتان شاقىرىپ، كىشكەنتايى جىلاپ جاتسا دا ءبىزدىڭ قوڭىراۋىمىزعا قۋانىپ قالعانىن جاسىرمادى. جانەركە تەمىربايەۆانىڭ جاعدايىن ءوز اۋزىنان ەستىگى كەلەتىن، قانداي كومەك كەرەكتىگىن سۇراعىسى كەلەتىندەر 87024427823 نومىرىنە حابارلاسسا بولادى. ول ازىرگە بانكتە شوت اشا المايدى. سەبەبى ول جەرگە تۇسكەن قارجىنىڭ بارلىعى اۆتوماتتى تۇردە قارىز جابۋعا كەتەدى. سوندىقتان كورشىسىنىڭ شوتىن بەرىپ وتىر. ءوزىنىڭ ايتۋىنشا، كىشكەنتايىنا بەسىك اربا مەن يتاربا قاجەت. 

 بانك سەنتر كرەديت 

№ 4667208102767543

Nursultan Kalshorayev

جسن 911205300887

اۆتور: يرينا ابراموۆا

دەرەك كوز: liter.kz