ءسۇيىنشى!! قۇرمەتتى الاش جۇرتى، قازاق حاندىعى تۋرالى تاريحي فيلم كورەرمەنگە جول تارتتى. كوپ كۇتتىرگەن “قازاق ەلى” سەريالىنىڭ العاشقى ءبولىمى “الماس قىلىش” جارىققا شىقتى.

بۇگىننەن باستاپ قازاقستاندىقتار “قازاق ەلى” سەريالىنىڭ العاشقى ءبولىمى “الماس قىلىشتى” بارلىق كينوتەاترلاردان تاماشالاي الادى. سەنارييىن سماعۇل ەلۋباي جازعان فيلم بەلگىلى جازۋشى ءىلياس ەسەنبەرليننىڭ “كوشپەندىلەر” تريلوگياسىنىڭ جەلىسى بويىنشا تۇسىرىلگەن. رەجيسسەر رۇستەم ءابدىراشتىڭ ايتۋىنشا، جوبا ەكى جىل ۋاقىتقا سوزىلىپ، مىڭعا تارتا ادام تەر توككەن. سونداي-اق، ماتەريالدار قورى مول بولعاندىقتان، ءفيلمنىڭ جالعاسى الداعى ۋاقىتتا مىندەتتى تۇردە ۇسىنىلاتىنىن دا ايتتى. اۆتورى مەملەكەت باسشىسى نۇرسۇلتان نازاربايەۆ بولىپ تابىلاتىن ءفيلمدى ق ر مادەنيەت جانە سپورت مينيسترلىگىنىڭ ارنايى تاپسىرىسى بويىنشا، ش.ايمانوۆ اتىنداعى «قازاقفيلم» اق «Centaurus Rustem Abdrashev production» ءجشس-نىڭ قاتىسۋىمەن ءتۇسىرىپ شىققان.